शब्दयात्रा प्रकाशनका सूचना–प्रविधि अधिकृत तथा नेपालभूमि साप्ताहिकका नियमित स्तम्भकार इ. रोशन मञ्जुश्री अधिकारीले डा. गजेन्द्र शर्मासँग मिलेर तयार पार्नुभएको अनुसन्धानात्मक लेख अन्तर्राष्ट्रिय जर्नलमा प्रकाशित भएको छ ।
A study of Social Engineering Based Attacks in Kathmandu University to propose a conceptual framework शीर्षकको उक्त अनुसन्धानात्मक लेख International Journal of Management and Information Technology, Volume (3), p. 1-9, 2018 मा प्रकाशित भएको हो ।

शब्दयात्रा प्रकाशनका अध्यक्ष हरि मञ्जुश्रीको सम्पादनमा एकैसाथ दुई पुस्तक प्रकाशित भएका छन् । दुवै पुस्तकलाई राजधानीमा आयोजित समारोहमा हालै सार्वजनिक गरिएको छ ।
तीमध्ये ‘सम्झना र सृजनामा मनु ब्राजाकी’ जीवनचन्द्र कोइरालाका साथमा सम्पादन गरिएको हो । ३ सय ८६ पृष्ठको उक्त पुस्तकको मूल्य ४ सय रुपियाँ राखिएको छ । यो पुस्तक कर्मयोगी बद्रीविक्रम थापा स्मृति सेवा गुठीबाट प्रकाशन गरिएको हो । ‘समस्या अनेक समाधान एक’ दीपक न्यौपानेका साथमा सम्पादन गरिएको हो । २ सय ८ पृष्ठको उक्त पुस्तकको मूल्य २ सय ५० रुपियाँ राखिएको छ । यो पुस्तक जीवन विज्ञान प्रतिष्ठानबाट प्रकाशन गरिएको हो ।

शब्दयात्रा प्रकाशनबाट ‘पुष्प सौगात’ नामक पुस्तक प्रकाशन हुने भएको छ । काभ्रे जिल्लाका लेखक पुष्पदास स्याउलाको लेखकीय योगदानलाई जीवन्त बनाइराख्न उहाँको स्मृतिमा प्रकाशन हुन लागेको यस पुस्तकको सम्पादन दामोदर घिमिरेले गर्ने हुनुभएको छ ।
पुष्प सौगातले चारवटा पुस्तकको लेखन र दुईवटा स्मारिकाको सम्पादन गर्नुभएको थियो भने ‘कान्तिपुर’ र ‘नेपाल समाचारपत्र’ नामक दुईवटा दैनिक पत्रिकामा नियमित स्तम्भ लेख्नुभएको थियो । उहाँका अप्रकाशित पुस्तकहरू प्रशस्तै छन् । २०२४ साल असारमा पनौतीमा जन्मनुभएका उहाँको निधन २०७४ मङ्सिरमा बनेपामा भएको थियो ।

शब्दयात्रा प्रकाशनले आफ्नो कार्यालयमा तुरुन्तै पुस्तकालयको व्यवस्था गरिहाल्नुपर्ने सुझाव दिँदै शब्दयात्रा मनका श्रेष्ठ महिला प्रतिभा सम्मानका आर्थिक व्यवस्थापक द्रोणप्रसाद श्रेष्ठले त्यसका लागि सहयोगस्वरूप प्रारम्भिक चरणमा टोकनस्वरूप आफ्नी धर्मपत्नी मनका श्रेष्ठको स्मृतिमा २ हजार रुपियाँ प्रदान गर्नुभएको छ । पुस्तकालय बनाउन थालेपछि थप ५ हजार रुपियाँ उपलब्ध गराउने वचनबद्धता पनि उहाँले प्रकट गर्नुभएको छ ।
उहाँको उद्गार सुनेपछि समाजसेवी सहदेव पलान्चोकेले पनि पुस्तकालयको निर्मााण गर्नका लागि तत्कालै १ हजार रुपियाँ उपलब्ध गराउनुभएको छ ।

शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को ५४ औँ शृङ्खला गत २०७५ साउन ११ गते शुक्रबार शब्दयात्रा प्रकाशनको सभाकक्षमा सम्पन्न भयो । उक्त कार्यक्रममा दिवङ्गत भइसकेका काभ्रेली लेखक पुष्प सौगातका विषयमा चर्चा–परिचर्चा गरिएको थियो । पनौतीका पुष्पदास स्याउलाले पुष्प सौगात नाउँबाट साहित्यिक सिर्जना गर्नुभएको थियो । उहाँका बारेमा संस्थाका अध्यक्ष हरि मञ्जुश्री, पुष्प सौगातकी अर्धाङ्गिनी शर्मिला स्याउला, शिक्षासेवी पूर्णबहादुर कर्माचार्य र माधवप्रसाद आचार्य तथा सञ्चारकर्मी शिव बन्जारा लगायतले बोल्नुभएको थियो । त्यस बखत पुष्पदास स्याउलाका विषयमा निकट भविष्यमा नै दामोदर घिमिरेको सम्पादनमा पुस्तक प्रकाशन गरिने जानकारी गराइएको थियो ।
वरिष्ठ लोकगायक मच्छेश्वर सापकोटाको प्रमुख आतिथ्य, लेखक तुयुकाजी ताम्राकार र समाजसेवी त्रिरत्न रन्जितकारको आतिथ्य तथा आध्यात्मिक लेखक ओतबहादुर खड्काको सभापतित्वमा सम्पन्न उक्त कार्यक्रममा पूर्णबहादुर कार्की, पुण्यवती घले, चूडाप्रसाद चौलागाई, विष्णुहरि तिमल्सिना, सहदीप पलाञ्चोके, ज्ञानु दाहाल, छविलाल कुइँकेल, सरस्वती शर्मा सुवेदी, केदारनाथ तिमल्सिना, अनु थापा लगायतको उपस्थिति रहेको थियो । कार्यक्रमको सञ्चालन कृष्णमणि कुइँकेलले गर्नुभएको थियो ।

शब्दयात्रा प्रकाशनद्वारा आयोजना गर्ने गरिएको प्रवचन कार्यक्रम ‘कर्मयोद्धासँग शब्दसंवाद’ को ५३ औँ शृङ्खला गत २०७५ साल साउन ४ गते शुक्रबार सम्पन्न भयो । शब्दयात्रा प्रकाशनको सभाकक्ष नीलकण्ठेश्वरधाम बनेपामा सम्पन्न उक्त कार्यक्रममा काभ्रेली प्रतिभा कवि डा. गोपाल पौड्याल ‘मन्डने’ ले प्रमुख वक्ताका रूपमा आफ्ना कविताहरू वाचन गर्नुभएको थियो । संस्थाका अध्यक्ष हरि मञ्जुश्रीको सभापतित्वमा सम्पन्न उक्त कार्यक्रमको प्रारम्भ ‘नेपालभूमि साप्ताहिक’ का कार्यकारी सम्पादक चूडाप्रसाद चौलागाईंले गर्नुभएको थियो ।
उक्त कार्यक्रममा सञ्चालक सदस्यद्वय कृष्णमणि कुइँकेल र श्यामकृष्ण लम्साल, संस्थाका महाप्रबन्धक शारदाप्रसाद शर्मा, चलचित्र नायक रवीन्द्र खड्का, सुभाष स्मृति प्रतिष्ठानका अध्यक्ष चन्द्रबहादुर खड्का, आध्यात्मिक लेखक ओतबहादुर खड्का, इन्जिनियर रोशन मञ्जुश्री अधिकारी, महाकाव्यकार कविप्रसाद प्याकु¥याल, कविहरू डा. श्याम भट्टराई, सोमकाजी शाक्य र केदारनाथ तिमल्सिना, कवयित्री तारा केसी, मञ्जुश्री प्रधान र द्वारिका कुइँकेल, पत्रकारहरू रामचन्द्र हुमागाई र केशवराज पौडेल, काभ्रेली सेवा समाजका अध्यक्ष प्रह्लाद केसी, मन्डन देउपुर नगरपालिका वडा नं. ८ का अध्यक्ष झलक पौडेल, मानव सेवा संस्थाका अध्यक्ष शान्ता थापा क्षत्री, शङ्कर खड्का तथा पूर्णबहादुर कार्की, पुण्यवती घले, खाइबा लामा, दुर्गा तिवारी, यादवप्रसाद ढुङ्गाना, जगन्नाथ गिरी, विजयकुमार लामिछाने, कपिलमणि नेपाल, छविलाल कुइँकेल, हर्क विष्ट, प्रभुनाथ कोइराला, अशोक बडाल, देवीप्रसाद ढुङ्गाना, हरिप्रसाद नेपाल, नारायणप्रसाद नेपाल, निर्मला नेपाल, सौरभ लम्साल, सहदीप पलान्चोके, सिद्धिबहादुर कर्माचार्य, रामचन्द्र हुमागाईं, तेजबहादुर क्षत्री, राजन केसी, देवहरि तिवारी, पुरुषोत्तम हुमागाईं, अनु थापा, राजु लामा आदिको उपस्थिति रहेको थियो ।

शब्दयात्रा प्रकाशनको बनेपा नीलकण्ठेश्वर परिसरको अवलोकनार्थ काठमाडौँबाट आउनुभएका कवि–कलाकारहरूलाई संस्थाका अध्यक्ष हरि मञ्जुश्रीले संस्थाको कार्यालयमा हार्दिक स्वागत गर्नुभयो । उहाँले आगन्तुकहरूलाई शब्दयात्रा प्रकाशनको उद्देश्यबारे जानकारी गराउनुभएको थियो ।
अवलोकनार्थ आउनेहरूमा चलचित्र नायक रवीन्द्र खड्का तथा साहित्यकारहरू गोङ्गबू साहित्य समाजका अध्यक्ष द्वारिका कुइँकेल, उपाध्यक्ष सीता केसी, महासचिव तारा केसी, शैली साहित्य समाजका अध्यक्ष मञ्जुश्री प्रधान आदि हुनुहुन्थ्यो ।
उहाँहरूलाई सञ्चालक सदस्य कृष्णमणि कुइँकेलले रुद्राक्षको माला र पुस्तक उपहार प्रदान गरेर बिदाइ गर्नुर्भको थियो ।

शब्दयात्रा प्रकाशनले काभ्रेको बनेपामा स्थापना गर्न लागेको पाँचजना वाङ्मयसेवीहरूको सालिकका लागि कल्याण लम्साल (काठमाडौँ) ले पाँच हजार एक सय रुपियाँ आर्थिक सहयोग गर्नुभएको छ ।
अन्य महानुभावहरूले पनि सहयोग उपलब्ध गराउने हुनुभएको छ ।

शब्दयात्रा प्रकाशनका शुभचिन्तक तथा सहकर्मी श्रीओम श्रेष्ठ ‘रोदन’ गोरखापत्र दैनिकको प्रधान सम्पादक नियुक्त हुनुभएकोमा हार्दिक बधाई ज्ञापन गर्दछौं ।

शब्दयात्रा प्रकाशन परिवार