शब्दयात्रा प्रकाशनको नियमित साप्ताहिक प्रवचन कार्यक्रम ‘कर्मयोद्धासँग शब्दसंवाद’ को ८४ औँ शृङ्खला शब्दयात्रा प्रकाशनको सभाकक्षमा गत २०७६ वैशाख १३ गते शुक्रबार लक्ष्मी पोखरेलको सभापतित्व, समाजसेवी चन्द्रबहादुर खड्काको प्रमुख आतिथ्य र शब्दयात्रा प्रकाशनका महाप्रबन्धक शारदाप्रसाद शर्माको उद्घोषणमा सम्पन्न भयो । उक्त कार्यक्रमका प्रमुख वक्ताका रूपबाट शिक्षासेवी शङ्कर काफ्लेले संस्कृत भाषा, देवनागरी लिपि र पाणिनीय व्याकरणका विषयमा सारगर्भित प्रवचन गर्नुभएको थियो ।
उक्त कार्यक्रममा शब्दयात्रा प्रकाशनका अध्यक्ष हरि मञ्जुश्री, अग्रज लोकगायक मच्छेश्वर सापकोटा, लेखक तथा प्राकृतिक चिकित्सक डा. इन्दुल केसी, ज्यो. पं. रमेश अधिकारी, शिक्षासेवी फणीन्द्रराज अधिकारी, लेखकहरू दामोदर घिमिरे, केदारनाथ तिमल्सिना, ओतबहादुर खड्का, पुण्यवती घले र सहदीप पलान्चोके, वासुदेव कुइँकेल, सिना ढकाल, मनकुमारी दाहाल, नवराज पराजुली, पुण्यप्रसाद निरौला, गङ्गा अधिकारी, रीक्षा घिमिरे आदिको समुपस्थिति रहेको थियो ।
‘शब्दसंवाद’ मा शङ्कर काफ्ले
बनेपाप्रमुखबाट सालिक अवलोकन
बनेपा नगरपालिकाका नगरप्रमुख लक्ष्मीनरसिंह बादे श्रेष्ठले बनेपाको नीलकण्ठेश्वर महादेवस्थानमा अवस्थित शब्दयात्रा प्रकाशन परिसरको भ्रमण गर्नुभयो । त्यस बखत उहाँले शब्दयात्रा प्रकाशनद्वारा संस्थापित पाँचजना शब्दसाधकहरूको सालिक, सरस्वतीको प्रतिमा र पुस्तकालयको अभिरुचिपूर्वक अवलोकन गर्नुभयो । उहाँका साथमा बनेपा नगरपालिका वडा नं. ६ का वडाअध्यक्ष सच्चिदानन्द केसी पनि हुनुहुन्थ्यो ।
उहाँहरूलाई शब्दयात्रा प्रकाशनका अध्यक्ष हरि मञ्जुश्री र जग्गादाता कृष्णमणि कुइँकेलले स्वागत गर्नुभएको थियो भने शब्दयात्रा प्रकाशनको योजनाका बारेमा हरि मञ्जुश्री र शिव बन्जाराले जानकारी गराउनुभएको थियो ।
शब्दयात्रा कर्मशीलता पुरस्कार प्रदान
शब्दयात्रा प्रकाशनले २०७६ सालको शब्दयात्रा कर्मशीलता पुरस्कार लेखक तथा सम्पादक दामोदर घिमिरेलाई प्रदान गरेको छ । १० हजार रुपियाँ राशीको उक्त पुरस्कार प्रदान गरिएको यो तेस्रोपटक हो ।
गत २०७६ वैशाख १३ गते शुक्रबार विश्व बौद्धिक सम्पत्ति दिवसको अवसर पारेर शब्दयात्रा प्रकाशनको सभाकक्षमा आयोजित पुरस्कार समर्पण समारोहमा बनेपा नगरपालिकाका नगरप्रमुख लक्ष्मीनरसिंह बादे श्रेष्ठले दामोदर घिमिरेलाई शब्दयात्रा कर्मशीलता पुरस्कार प्रदान गर्नुभयो । उहाँलाई शब्दयात्रा प्रकाशनका अध्यक्ष हरि मञ्जुश्रीले नगद १० हजार रुपियाँ प्रदान गर्नुभएको थियो भने संस्थापक सदस्य सकुल थापाले शब्दयात्रापट्ट लगाइदिनुभएको थियो ।
बनेपा नगरपालिका वडा नं. ६ का वडाअध्यक्ष सच्चिदानन्द केसीको आतिथ्यमा शब्दयात्रा प्रकाशनका महाप्रबन्धक शारदाप्रसाद शर्माले सञ्चालन गर्नुभएको उक्त कार्यक्रममा डा. इन्दुल केसी, द्रोणप्रसाद श्रेष्ठ, चन्द्रबहादुर खड्का, मच्छेश्वर सापकोटा, शङ्कर काफ्ले, फणीन्द्रराज अधिकारीलगायत करिब एक सयजना प्रबुद्ध व्यक्तित्वहरूको उपस्थिति थियो । मञ्चस्थ महानुभावहरूलाई ‘नेपालभूमि राष्ट्रिय साप्ताहिक’ पत्रिकाका कार्यकारी सम्पादक चूडाप्रसाद चौलागाईंले रुद्राक्षको माला लगाएर स्वागत गर्नुभएको उक्त कार्यक्रममा सभापतिका रूपबाट शब्दयात्रा प्रकाशनका अध्यक्ष हरि मञ्जुश्रीले स्वागत मन्तव्य व्यक्त गर्नुभएको थियो भने पुरस्कृत व्यक्तित्व दामोदर घिमिरेका विषयमा शिव बन्जाराले जानकारी गराउनुभएको थियो ।
उक्त कार्यक्रममा गीता मञ्जुश्रीद्वारा लिखित दामोदर घिमिरेको शब्दचित्र वितरण गरिएको थियो भने ज्यो. पं. रमेश अधिकारीले स्वस्तिवाचन गर्नुभएको थियो ।
शब्दयात्रा पुरस्कार वितरण १३ गते
शब्दयात्रा प्रकाशनले हरेक वर्षको वैशाख महिनामा प्रदान गर्ने गरेको ‘शब्दयात्रा कर्मशीलता पुरस्कार’ २०७६ सालका लागि आगामी वैशाख १३ गते शुक्रबार प्रदान गरिने भएको छ ।
शब्दयात्रा प्रकाशनको सभाकक्षमा आयोजना गरिने पुरस्कार वितरण गरिने समारोहमा यस वर्षको ‘शब्दयात्रा कर्मशीलता पुरस्कार’ दामोदर घिमिरेलाई प्रदान गरिँदैछ । पुरस्कारमा नगद १० हजार रुपियाँ, प्रमाणपत्र र शब्दयात्रापट्ट प्रदान गर्ने गरिएको छ । यसअघि उक्त पुरस्कार पदमनाथ ढुङ्गाना र शिवप्रसाद बन्जारालाई प्रदान गरिएको थियो ।
‘शब्दसंवाद’ मा रामप्रसाद तिमल्सिना
शब्दयात्रा प्रकाशनको साप्ताहिक प्रवचन कार्यक्रम ‘कर्मयोद्धासँग शब्दसंवाद’ को ८३ औँ शृङ्खला गत २०७६ वैशाख ७ गते शुक्रबार शब्दयात्रा प्रकाशनको सभाकक्षमा सम्पन्न भयो । उक्त कार्यक्रममा शिक्षासेवी रामप्रसाद तिमल्सिना प्रमुख वक्ताका रूपमा प्रस्तुत हुनुभयो भने कार्यक्रमको प्रमुख आतिथ्य पूर्वप्रशासक डा. इन्दुल केसीले र सभापतित्व अग्रज लोकगायक मच्छेश्वर सापकोटाले गर्नुभएको थियो ।
उक्त कार्यक्रममा शब्दयात्रा प्रकाशनका अध्यक्ष हरि मञ्जुश्री, लेखकहरू ओतबहादुर खड्का, केदारनाथ तिमल्सिना, सहदीप पलान्चोके, पुण्यवती घले, व्यवस्थापनविद् श्री शर्मा मूर्ख, व्यवसायी दीपेन्द्र बज्राचार्य, रीक्षा घिमिरे आदिको समुपस्थिति रहेको थियो ।
हार्दिक बधाई
शब्दयात्रा प्रकाशनसँग सम्बन्धित हरि मञ्जुश्री, ओतबहादुर खड्का, पुण्यवती घले, उद्धवप्रसाद नेपाल र चूडाप्रसाद चौलागाईं विश्व हिन्दू महासङ्घसँग जोडिनुभएकोमा हार्दिक बधाई ।
शब्दयात्रा प्रकाशन परिवार
चयन समितिको गठन
शब्दयात्रा प्रकाशनले आगामी २०७६ सालको जेठ महिनामा विभिन्न ६ विधाका सम्मानहरू समर्पण गर्न योग्य व्यक्ति अथवा संस्थाहरूको चयन गर्न सम्मान्य व्यक्तित्व चयन समितिको गठन गरेको छ ।
तीन सदस्यीय उक्त समितिमा श्रीमती सविता अर्याल संयोजक तथा गोविन्दबहादुर खड्का र रामप्रसाद तिमल्सिना सदस्य रहनुभएको छ । उक्त समितिले सम्मानका लागि सिफारिस प्राप्त भएका व्यक्ति अथवा संस्थाहरूमध्येबाट उपयुक्त व्यक्ति अथवा संस्थाको चयन गर्नेछ ।
२०७६ सालमा समर्पण गरिने १८ विधाका सम्मानहरूमध्ये जेठ महिनामा शब्दयात्रा प्रशासनिक महिला प्रतिभा सम्मान, शब्दयात्रा राष्ट्रझङ्कार सम्मान, शब्दयात्रा नन्दिकेश्वर अधिकारी शोध सम्मान, शब्दयात्रा सिर्जना सम्मान, शब्दयात्रा शिक्षक सम्मान र शब्दयात्रा सामाजिक जागरण सम्मान समर्पण गरिनेछन् ।
शब्दयात्राबाट पुस्तक सहयोग
शब्दयात्रा प्रकाशनले सोलुखुम्बूको जुगूमा रहेको जनकल्याण उच्च माध्यमिक विद्यालय पुस्तकालयलाई विभिन्न लेखक र विधाका फरक–फरक १०० थान पुस्तक सहयोग गरेको छ ।
ती पुस्तकहरू शब्दयात्रा प्रकाशनका अध्यक्ष हरि मञ्जुश्रीले हस्तान्तरण गर्नुभएको थियो ।
शब्दयात्रा प्रकाशनको ‘कर्मयोद्धासँग शब्दसंवाद’ कार्यक्रममा २०७५ सालका प्रमुख वक्ताहरू
शब्दयात्रा प्रकाशनको सभाकक्षमा शुक्रबार हुने ‘कर्मयोद्धासँग शब्दसंवाद’ नामक प्रवचन कार्यक्रममा प्रवचन गर्ने प्रवाचकहरू निम्नबमोजिम हुनुहुन्छ —
१. डा. गोपाल पौड्याल ‘मन्डने’, २. पुष्पदास स्याउलाका विषयमा हरि मञ्जुश्री, ३. द्रोणप्रसाद श्रेष्ठ, ४. प्रकाशबहादुर कायस्थ, ५. केदारनाथ तिमल्सिना, ६. साधुराम गिरी, ७. उद्धवप्रसाद नेपाल, ८. डा. सरस्वती आचार्य, ९. डा. इन्दुल केसी, १०. डा. हेमराज काफ्ले, ११. रेखा सापकोटा दाहाल, १२. केदार अधिकारी, १३. रामचन्द्र हुमागाईंका विषयमा टीपी शर्मा तिमिल्सिना, १४. उद्धवप्रसाद भट्टराई, १५. माधवप्रसाद शर्मा तिवारी, १६. राजु हुमागाईं, १७. सावित्री ढुङ्गेलका विषयमा हरि मञ्जुश्री, १८. त्रिरत्न रन्जितकार, १९. रमा दाहाल, २०. किताबसिंह लामा, २१. दामोदर घिमिरे, २२. निर्मला श्रेष्ठ, २३. रामायणका विषयमा हरि मञ्जुश्री, २४. इ. लक्ष्मण खड्का, २५. कृष्णप्यारी नकर्मी, २६. राधा कार्की, २७. ज्यो. पं. रमेश अधिकारी, २८. चूडाप्रसाद चौलागाईं, २९. डा. विवेक बराल
शब्दयात्रा प्रकाशनबाट २०७५ सालमा सम्मानित व्यक्तित्वहरू
शब्दयात्रा प्रकाशनले हरेक वर्ष १८ विधाका राष्ट्रिय व्यक्तित्वहरूलाई सम्मान गर्ने गरेको छ । हरेक सम्मानमा ५ हजार रुपियाँ, किरीट, रुद्राक्षको माला, उपहार र अभिवन्दनापत्र रहने गरेका छन् । २०७५ सालमा सम्मानित व्यक्तित्वहरू हुनुहुन्छ —
१. शब्दयात्रा समालोचना सम्मान ः डा. वासुदेव त्रिपाठी, २. शब्दयात्रा कविताकाव्य सम्मान ः कालीप्रसाद रिजाल, ३. शब्दयात्रा महिला प्रतिभा सम्मान ः वसुन्धरा भुसाल, ४. शब्दयात्रा अनुसन्धान सम्मान ः डा. राजेश गौतम, ५. शब्दयात्रा बालसाहित्य सम्मान ः विश्वम्भर चञ्चल, ६. शब्दयात्रा विज्ञान–प्रविधि सम्मान ः प्रा. सुरेशराज चालिसे, ७. शब्दयात्रा शिक्षा सम्मान ः डा. विद्यानाथ कोइराला, ८. शब्दयात्रा आमसञ्चार सम्मान ः राजेश्वर नेपाली, ९. शब्दयात्रा फोटो पत्रकारिता सम्मान ः वैकुण्ठकृष्ण श्रेष्ठ, १०. शब्दयात्रा स्तम्भकार सम्मान ः मुकुन्दप्रसाद उपाध्याय, ११. शब्दयात्रा साहित्यिक पत्रिका सम्मान ः कौशिकी (चेतनाथ धमला), १२. शब्दयात्रा आध्यात्मिक पत्रकारिता सम्मान ः पं. अच्युत सुवेदी, १३. शब्दयात्रा प्रशासनिक महिला सम्मान ः सावित्री जङ्गम थापा, १४. शब्दयात्रा राष्ट्रझङ्कार सम्मान ः नरेन्द्रबहादुर श्रेष्ठ, १५. शब्दयात्रा सिर्जना सम्मान ः द्रोणप्रसाद श्रेष्ठ, १६. शब्दयात्रा सामाजिक जागरण सम्मान ः सुभाष स्मृति प्रतिष्ठान (चन्द्रबहादुर खड्का), १७. शब्दयात्रा नन्दिकेश्वर अधिकारी शोध सम्मान ः नरेन्द्रकुमार अधिकारी, १८. शब्दयात्रा शिक्षक सम्मान ः रामप्रसाद अधिकारी ।