शब्दयात्रा प्रकाशनद्वारा बनेपामा संस्थापित शब्दसाधकका पाँचवटा सालिक शब्दयात्रा शारदा मन्दिर, शब्दयात्रा पुस्तकालय र शब्दयात्रा स्तम्भको अवलोकन गर्नका लागि शब्दसाधक तीर्थमा पुग्ने वाङ्मयप्रेमीहरूको सङ्ख्या बढ्दै गएको छ । शब्दसाधक तीर्थमा पुग्दा नीलकण्ठेश्वर महादेव र शेषशायी विष्णुको दर्शन पनि गर्न पाइने भएकाले सङ्ख्या बढ्दै गएको हो ।
कवयित्री शारदा घिमिरे भैलले पनि मित्रका साथ शब्दसाधक तीर्थको अवलोकन गर्नुभएको छ । उहाँलाई शब्दयात्रा प्रकाशनका संस्थापक अध्यक्ष हरि मञ्जुश्रीले शब्दसाधक तीर्थमा स्वागत गर्नुभएको थियो भने रमेश अधिकारी र सङ्गीता केसीले शब्दयात्रा प्रकाशनका गतिविधिहरूका बारेमा जानकारी गराउनुभएको थियो ।

शब्दयात्रा प्रकाशनका शुभचिन्तक रामानन्द मिश्रको देहावसानबाट दुःखित बनिरहेको अवसरमा उहाँमा श्रद्धाञ्जली व्यक्त गर्दै उहाँको आत्मशान्तिका लागि प्रार्थना गर्दछौँ र शोकाकुल परिवारजनप्रति हार्दिक समवेदना व्यक्त गर्दछौँ ।

शब्दयात्रा प्रकाशन परिवार

शब्दयात्रा प्रकाशनबाट कदरपत्र प्राप्त गर्नुभएका काभ्रेली पत्रकारहरूमध्ये नेपाल पत्रकार महासङ्घ काभ्रेको सदस्यमा शुकदेव थपलिया र राष्ट्रिय परिषद् सदस्यमा प्रदीप केसी निर्वाचित हुनुभएकोमा हार्दिक बधाई ज्ञापन गर्दछौँ ।

शब्दयात्रा प्रकाशन परिवार

शब्दयात्रा प्रकाशनबाट २०७३ सालमा सम्मानित नियात्राकार पोष चापागाईले भाषा तथा साहित्य विधातर्फको प्रादेशिक प्रतिभा पुरस्कार एवम् शब्दयात्रा प्रकाशनबाट २०७२ सालमा सम्मानित गजलकार बूँद रानाले र २०६९ सालमा सम्मानित साहित्यिक पत्रकार मोहन दुवालले महाकवि देवकोटा पुरस्कार संस्कृति, पर्यटन तथा नागरिक उड्डयन मन्त्रालयबाट प्राप्त गर्नुभएकोमा हार्दिक बधाई ज्ञापन गर्दछौँ ।

शब्दयात्रा प्रकाशन परिवार

शब्दयात्रा प्रकाशनका संस्थापक अध्यक्ष हरि मञ्जुश्रीको मोती महोत्सव समारोहका विषयमा शब्दयात्रा प्रकाशनले वृत्तचित्रको निर्माण गरेको छ ।
उक्त वृत्तचित्र शब्दयात्रा प्रकाशनको वेबसाइट र यु–ट्युबबाट हेर्न–सुन्न सकिनेछ ।

विपत्तिमा परेका साहित्यकार, पत्रकार तथा कलाकारहरूलाई आर्थिक सहयोग गर्ने गरेको शब्दयात्रा प्रकाशनले त्यस कार्यका लागि अक्षरसेवी सहयोग कोषको सञ्चालन गरेको छ । त्यही कोषका लागि विराटनगरबाट अग्रज समाजसेवी श्रीमती सीता पोखरेलले शब्दयात्रा प्रकाशनलाई ११ हजार रुपियाँ आर्थिक सहयोग गर्नुभएको छ । उहाँले यसअघि पनि आर्थिक सहयोग गर्नुभएको थियो ।
शब्दयात्रा प्रकाशनलाई आर्थिक सहयोग गर्नुभएकोमा अग्रज समाजसेवी श्रीमती सीता पोखरेलमा शब्दयात्रा प्रकाशन हार्दिक आभार व्यक्त गर्दछ ।

पूर्वराजदूत, पूर्व प्रमुख निर्वाचन आयुक्त तथा पूर्वसचिव सूर्यप्रसाद श्रेष्ठले शब्दयात्रा प्रकाशनद्वारा संस्थापित ‘शब्दयात्रा कर्मशीलता पुरस्कार’ को आर्थिक व्यवस्थापन गरिदिनुभएको छ । शब्दयात्रा प्रकाशनले हरेक वर्ष कर्मशीलता पुरस्कार प्रदान गर्ने गरेकोमा त्यही पुरस्कारका लागि कोषमा आफ्ना तर्फबाट एक लाख रुपियाँ राखिदिएर उहाँले शब्दयात्रा प्रकाशनको कोषबृद्धिमा सहयोग गर्नुभएको हो ।
‘शब्दयात्रा कर्मशीलता पुरस्कार’ का लागि आर्थिक व्यवस्थापन गरिदिनुभएकोमा पूर्वप्रशासक तथा कूटनीतिज्ञ सूर्यप्रसाद श्रेष्ठप्रति शब्दयात्रा प्रकाशन हार्दिक आभार व्यक्त गर्दछ ।