विनाशकारी बाढीका कारणले दिवङ्गत भएका मानव लगायत सम्पूर्ण जीवहरूको आत्मशान्तिका लागि नीलकण्ठेश्वर महादेव, राधाकृष्ण, सरस्वती, लक्ष्मीनारायण, हनुमान र बुद्धका मन्दिरहरूमा तथा वाङ्मयसेवीहरूको सालिक रहेको शब्दसाधक तीर्थमा एक सय आठ दीपप्रज्ज्वलन गरी विभिन्न स्तोत्रहरूको पाठ गरिएको छ ।
आज भदौ १३ गते शनिबार शब्दयात्रा प्रकाशनले आयोजना गरेको त्यस कार्यक्रममा संस्थापक अध्यक्ष हरि मञ्जुश्रीले दीपप्रज्ज्वलनको प्रारम्भ गर्नुभएको थियो । त्यसपछि उपस्थित अन्य महानुभावहरूले दीपप्रज्ज्वलन गर्नुभएको थियो ।
बाढीपीडितहरूका लागि शब्दयात्रा प्रकाशनका तर्फबाट पनि आर्थिक सहयोग गर्ने उद्देश्यले संस्थाका सदस्यहरूले केही रकम जम्मा गर्नुभएको छ । जम्मा भएको सबै रकम प्रधानमन्त्री दैवी प्रकोप उद्धार कोषमा पठाइने भएको छ ।
बाढीबाट दिवङ्गत जीवहरूको शान्तिका लागि दीपप्रज्ज्वलन
