शब्दयात्रा प्रकाशनद्वारा प्रकाशित तथा अग्रज पत्रकार बलदेव थापाद्वारा लिखित हास्यव्यङ्ग्यसङ्ग्रह ‘मतिपुराण’ माथि अन्तर्क्रिया कार्यक्रम सम्पन्न भएको छ । यही वैशाख २७ गते आइतबार काठमाडौँमा आयोजित उक्त कार्यक्रममा प्रमुख अतिथि सुप्रसिद्ध हास्यव्यङ्ग्यकार प्रा. रामकुमार पाँडे हुनुहुन्थ्यो । शब्दयात्रा प्रकाशनका संस्थापक अध्यक्ष हरि मञ्जुश्रीद्वारा सञ्चालित उक्त कार्यक्रमको सभापतित्व आध्यात्मिक साहित्यकार ढुण्डिराज पोखरेलले गर्नुभएको थियो । उक्त कार्यक्रममा ‘मतिपुराण’ का बारेमा डा. इन्दुल केसी, मुरहरि रायमाझी ‘हरि’ र ज्ञानमणि नेपाल ‘कालोटोपी’ ले टिप्पणी गर्नुभएको थियो भने कृतिकार बलदेव थापाले धन्यवाद ज्ञापन गर्नुभएको थियो ।
मतिपुराणमाथि अन्तर्क्रिया
