कवयित्री सरस्वती चिमौरियालाई ‘शब्दयात्रा विश्वनाथ अधिकारी सारस्वत सम्मान, २०८२’ समर्पण गरिएको छ । अन्तर्राष्ट्रिय महिला दिवसका अवसरमा हिजो फागुन २४ गते शनिबार शब्दयात्रा प्रकाशनले आफ्नै सभाकक्षमा आयोजना गरेको कार्यक्रममा उहाँलाई उक्त सम्मान समर्पण गरिएको हो । सम्मान समर्पणका क्रममा कृष्णमणि कुइकेलले रुद्राक्षमाला र उपहार, कालिका त्रिपाठी पन्तले पछ्यौरा तथा हरि मञ्जुश्रीले अभिवन्दनापत्र समर्पण गर्नुभएको थियो । कवयित्री शकुन्तला मञ्जरीको कोष व्यवस्थापनमा यस सम्मानको व्यवस्था गरिएको हो । सम्मान ग्रहण गरेपछि कवयित्री सरस्वती चिमौरियाले कोष व्यवस्थापक शकुन्तला मञ्जरी र सम्मान व्यवस्थापक शब्दयात्रा प्रकाशनप्रति आभार व्यक्त गर्दै यस सम्मानले साहित्य क्षेत्रमा अझ अघि बढ्ने हौसला जागेको बताउनुभएको थियो ।