डा. गोपाल पौड्याल ‘मन्डने’ काभ्रेपलान्चोक जिल्लामा जन्मनुभएका साहित्यिक प्रतिभा हुनुहुन्छ । उहाँद्वारा लिखित ‘अमरज्योति’ खण्डकाव्य आर्थिक र मानसिक दुवै रूपमा विपन्न नेपाली परिवारको वियोगान्त कथा हो । जातिभेदले ग्रस्त पारेको समाजको कुप्रथालाई चुनौती दिएपछि त्यसबाट व्यक्तिगत र सामाजिक जीवन नै तहसनहस हुन पुगेको, बेरोजगारीको समस्याका कारण बिदेसिनुपरेको, विकृत मनस्थितिका व्यक्तिबाट महिलामाथि चोट परेको, त्यसैका कारणले मरणशोक पर्न गएको र त्यही मरणशोकलाई समाजको सकारात्मक रूपान्तरणका लागि उपयोग गर्न खोजेको घटना–सन्दर्भ यस खण्डकाव्यमा प्रस्तुत भएको छ ।