नरनारायण ‘वत्स’ को दोस्रो कवितासङ्ग्रह ‘समयको अन्तराल’ नामक प्रस्तुत कृति हो । यस कृतिमा त्रिचालीसवटा गद्यकविताहरू सङ्कलित छन् । देशको राजनीतिक अस्थिरताप्रति चिन्ता, आपसी अविश्वास, निराशा र सङ्कटबाट उब्जेको दुःख, राष्ट्रप्रतिको प्रेम, राष्ट्रियता र मानवीय स्वतन्त्रताप्रतिको निष्ठा, विद्रोह र व्यङ्ग्य, प्राकृतिक सौन्दर्यप्रतिको मोह यस सङ्ग्रहका कविताहरूमा पाइन्छन् । त्यसैले यो सङ्ग्रह वर्तमान समयको अभिलेख बनेको छ ।