कवि खेमराज शर्माको ‘माण्डवी’ महाकाव्यभित्र माओवादी जनयुद्धको विषयले प्रवेश पाएको छ । यसअघि प्रकाशित महाकाव्यहरूमा माओवादी जनयुद्धलाई प्रत्यक्ष रूपमा विषयवस्तु बनाइएको नपाइएकाले यस महाकाव्यको विशेष महत्त्व रहेको छ । यसभित्रका अधिकांश श्लोकहरू अनुष्टुप छन्दमा छन् । यसभित्र गद्यकविता र लोकछन्दको पनि प्रयोग गरिएको छ । वन्दनाबाहेक एघाह्र अध्यायमा यो महाकाव्य विभक्त छ । रोल्पा जिल्लाका साहित्यस्रष्टाबाट लेखिएको यो पहिलो महाकाव्य बनेको छ भने यस महाकाव्यले महाकाव्यकारलाई पोखरेल थरका सातौँ महाकाव्यकार बनाएको छ ।