शब्दयात्रा प्रकाशनले आगामी कार्तिक २३ गते शनिबार २०७६ सालको दोस्रो चरणको सम्मान कार्यक्रमको आयोजना गर्ने भएको छ । उक्त दिन ६ वटा सम्मान समर्पण गरिनेछन् भने ३ वटा पुस्तक सार्वजनिक हुनेछन् ।
सो कार्यक्रममा रमेश पौड्यालद्वारा व्यवस्थापित शब्दयात्रा होम–तोत्र शिक्षा सम्मान डा. केदारनाथ श्रेष्ठलाई, सुनील सापकोटाद्वारा व्यवस्थापित शब्दयात्रा देवीप्रसाद सापकोटा आमसञ्चार सम्मान ध्रुवहरि अधिकारीलाई र हरिगोपाल प्रधानद्वारा व्यवस्थापित शब्दयात्रा फोटो पत्रकारिता सम्मान राजेन्द्र चित्रकारलाई समर्पण गरिनेछ भने योगेन्द्र खत्रीद्वारा व्यवस्थापित शब्दयात्रा साहित्यिक पत्रिका सम्मान ‘नवप्रज्ञापन’ त्रैमासिक पत्रिकालाई, सुदर्शन आचार्यद्वारा व्यवस्थापित शब्दयात्रा आध्यात्मिक पत्रकारिता सम्मान भक्तिदर्शन टेलिभिजनलाई र नेपालभूमि साप्ताहिकद्वारा व्यवस्थापित शब्दयात्रा नेपालभूमि स्तम्भकार सम्मान टीपी शर्मा तिमिल्सिनालाई समर्पण गरिनेछ ।
यसै गरी ओतबहादुर खड्काद्वारा अनूदित ‘वेद के भन्छ ?’, नवीना श्रेष्ठद्वारा अनूदित तथा सम्पादित ‘श्रीस्वस्थानी व्रतकथा’ र केदारनाथ तिमल्सिनाद्वारा लिखित ‘स्पेनको यात्रा’ (यात्रासंस्मरण) गरी ३ पुस्तकलाई सोही कार्यक्रममा सार्वजनिक गरिनेछ ।
सम्मान कार्यक्रम कार्तिक २३ गते
