शब्दयात्रा प्रकाशनले बनेपामा सरस्वतीको मन्दिर बनाउने भएको छ । त्यसका लागि नीलकण्ठेश्वरधाम संरक्षण समितिले जग्गा उपलब्ध गराउने भएको छ भने वीरशैवभास्कर भरतमणि जङ्गम शिवाचार्यले सरस्वतीको मूर्ति उपलब्ध गराउने घोषणा गर्नुभएको छ ।
सरस्वतीको मन्दिर निर्माण गर्न इन्दिरा जङ्गम (बानेश्वर, काठमाडौँ) का तर्फबाट ११ हजार र आशादेवी श्रेष्ठ (सानेपा, ललितपुर) का तर्फबाट १० हजार रुपियाँ प्राप्त भइसकेको छ ।
आगामी २०७५ माघ २७ गते श्रीपञ्चमीका दिन सरस्वतीको मन्दिर समुद्घाटन गर्ने लक्ष्य राखिएको हुनाले त्यसैअनुसार निर्माणकार्य अघि बढाइएको छ ।
