शब्दयात्रा प्रकाशनबाट १५ औँ प्रकाशनपुष्पका रूपमा प्रकाशन गरिएको तथा काभ्रेपलान्चोक बनेपास्थित शैलेश्वर महादेव सिद्धपीठका महन्त मुक्ति शर्मा महाराजद्वारा नेपाली भाषामा काव्यानुवाद गरिएको काव्य ‘गीता–माली’ को तेस्रो संस्करण प्रकाशन हुने भएको छ । यस पुस्तकको पहिलो संस्करण २०६९ सालको साउन महिनामा र दोस्रो संस्करण २०६९ सालको पुस महिनामा प्रकाशन गरिएको थियो । यस काव्यको तेस्रो संस्करणलाई यही फागुन महिनामा सार्वजनिक गरिने भएको छ ।