नेपालको शैक्षिक प्रणालीलाई युगानुकूल सुधार गरेर शैक्षिक संस्थाहरूलाई स्वायत्त संस्थाका रूपमा विकसित गराउन र शिक्षानीतिलाई नेपाली लोकजीवनसँग एकाकार बनाई समृद्ध राष्ट्रनिर्माणमा शैक्षिक क्षेत्रलाई उपयोग गराउन लेखन, प्रकाशन, अभिभाषण आदिद्वारा उत्प्रेरित गराउनुभएका शिक्षाविद् डा. केदारनाथ श्रेष्ठलाई शब्दयात्रा शिक्षा सम्मानद्वारा सम्मानित गरिएको छ ।
नेपालको आमसञ्चार क्षेत्रले स्वाभिमानपूर्वक कर्तव्यपालन गर्न नसकिरहेको परिस्थितिमा युगीन जिम्मेवारीलाई स्वीकार गर्दै आमसञ्चारका क्षेत्रमा ऐतिहासिक भूमिका निर्वाह गरेर आमसञ्चारको मूल मर्म र कर्मको उदाहरण नेपाली समाजमा प्रस्तुत गर्नुभएका वरणीय पत्रकार ध्रुवहरि अधिकारीलाई शब्दयात्रा आमसञ्चार सम्मानद्वारा सम्मानित गरिएको छ ।
‘नेपालभूमि राष्ट्रिय साप्ताहिक’ लगायतका राष्ट्रिय स्तरका विभिन्न पत्रिकाहरूमा सामाजिक क्षेत्रका नवीनतम विषयहरूलाई आधार बनाई गहन विश्लेषणात्मक टिप्पणीहरू गर्दै सम्बन्धित विषयमा आफ्ना मौलिक चिन्तनहरू पनि प्रस्तुत गरेर उल्लेख्य योगदान गर्नुभएका स्तम्भकार टीपी शर्मा तिमिल्सिनालाई नेपालभूमि स्तम्भकार सम्मानद्वारा सम्मानित गरिएको छ ।
यसै गरी नेपालको फोटो पत्रकारिता क्षेत्रको ऐतिहासिक पृष्ठभूमि बोक्ने विशिष्ट व्यक्तित्वका रूपमा रही फोटो पत्रकारितालाई विशेष स्थान दिलाउन अहम् भूमिका खेलेर त्यसलाई पत्रकारिता जगत्कै महàवपूर्ण अङ्गका रूपमा विकसित गराउन उल्लेख्य योगदान गर्नुभएका फोटो पत्रकार राजेन्द्र चित्रकारलाई शब्दयात्रा फोटो पत्रकारिता सम्मानद्वारा सम्मानित गरिएको छ ।
नेपालको आध्यात्मिक पत्रकारिताका क्षेत्रमा निरन्तर सक्रिय भई विभिन्न आध्यात्मिक कार्यक्रम सञ्चालन गरेर श्रोताहरूमा आध्यात्मिक जागरण, चारित्रिक शुद्धता र नैतिक बलको वृद्धि गराउनमा खेलेको अहम् भूमिकाप्रतिको कृतज्ञतास्वरूप आध्यात्मिक क्षेत्रको एक मात्र टेलिभिजन भक्तिदर्शन टेलिभिजनलाई शब्दयात्रा आध्यात्मिक पत्रकारिता सम्मानद्वारा सम्मानित गरिएको छ ।
नेपाली भाषा–साहित्यको उन्नयन र साहित्यकारहरूको प्रतिष्ठावृद्धिका लागि विगत अढाइ दशक अघिदेखि श्री नवराज रिजालको सम्पादनमा प्रकाशित भई हालसम्म महàवपूर्ण भाषिक–साहित्यिक सामग्रीहरूको प्रकाशनका लागि निर्वाह गरिरहेको अहम् भूमिकाप्रतिको कृतज्ञतास्वरूप साहित्यिक त्रैमासिक पत्रिका ‘नवप्रज्ञापन’ लाई शब्दयात्रा साहित्यिक पत्रिका सम्मानद्वारा सम्मानित गरिएको छ ।
शब्दयात्रा प्रकाशनद्वारा गत २०७६ साल कार्तिक २३ गते शनिबार काभ्रेको धुलिखेलमा रहेको होटल हिमालयन प्याराडाइज इनमा आयोजित समारोहमा प्रमुख अतिथिका रूपबाट निष्कलङ्क प्रशासक तथा सर्वमान्य कूटनीतिज्ञ सूर्यप्रसाद श्रेष्ठले अभिवन्दनापत्र र विशिष्ट अतिथिका रूपबाट शैक्षिक शिरोभूषण काठमाडौँ विश्वविद्यालयका संस्थापक उपकुलपति डा. सुरेशराज शर्माले किरीट समर्पण गरेर उहाँहरूलाई सम्मान गर्नुभएको हो । भक्तिदर्शन टेलिभिजनका तर्फबाट प्रमुख रचना श्रेष्ठ र नवप्रज्ञापन त्रैमासिक पत्रिकाका तर्फबाट सम्पादक नवराज रिजाल उपस्थित हुनुहुन्थ्यो । टीपी शर्मा तिमिल्सिना उहाँलाई नै सम्मान गरिएको अर्को कार्यक्रममा उपस्थित हुनुपरेकाले यस कार्यक्रममा उपस्थित हुन सक्नुभएको थिएन । उहाँको सम्मान उहाँका तर्फबाट दीपक तिमल्सिनाले ग्रहण गर्नुभएको थियो ।
सम्मानित व्यक्तित्वहरूलाई पदम दाहाल र पशुपतिमान पःमाँले उपहार तथा रमेश पौड्याल, सुनील सापकोटा, हरिगोपाल प्रधान, वासुदेव कुइँकेल र गीता मञ्जुश्रीले ५–५ हजार रुपियाँ भेटी समर्पण गर्नुभएको थियो ।
मञ्चस्थ व्यक्तिहरूलाई रुद्राक्षमाला सङ्गीता केसी र दीपक तिमल्सिनाले, ब्याच पुण्यवती घले र पूर्णबहादुर कार्कीले तथा पुष्पमाला नानुदेवी कुइँकेल र देवीप्रसाद ढुङ्गानाले प्रदान गर्नुभएको उक्त कार्यक्रमको सभापतित्व शब्दयात्रा प्रकाशनका संस्थापक सदस्य हरिगोपाल प्रधानले र सामग्रीको व्यवस्थापन महाप्रबन्धक शारदाप्रसाद शर्माले गर्नुभएको थियो भने स्वस्तिवाचन गर्ने नैमिषारण्य संस्कृत गुरुकुलम्का वटुकहरूलाई ध्रुवराज नेपालले टीका र छविलाल कुइँकेलले दक्षिणा प्रदान गर्नुभएको थियो । सम्मानसम्बन्धी अन्य व्यवस्थापन सञ्चालक सदस्य शिव बन्जारा र शकुन्तला बन्जाराले गर्नुभएको थियो ।
स्वागत भाषण शब्दयात्रा प्रकाशनका सञ्चालक सदस्य तथा जग्गादाता कृष्णमणि कुइँकेलले गर्नुभएको उक्त कार्यक्रममा नवीना श्रेष्ठद्वारा अनूदित तथा सम्पादित ‘श्रीस्वस्थानी व्रतकथा’ लाई प्रमुख अतिथि सूर्यप्रसाद श्रेष्ठले, ओतबहादुर खड्काद्वारा अनूदित ‘वेद के भन्छ ?’ लाई विशिष्ट अतिथि डा. सुरेशराज शर्माले र केदारनाथ तिमल्सिनाद्वारा लिखित ‘स्पेनको यात्रा’ लाई अतिथि बेलप्रसाद श्रेष्ठले सार्वजनिक गर्नुभएको थियो । सार्वजनिक गरिएका कृतिहरूको परिचय डा. इन्दुल केसीबाट र कृतिकारका तर्फबाट मन्तव्य नवीना श्रेष्ठबाट प्रस्तुत गरिएको थियो ।
सम्मानित व्यक्तित्वहरूको चयनसम्बन्धी जानकारी चयन समितिका संयोजक पदम दाहालले प्रस्तुत गर्नुभएको उक्त कार्यक्रममा चयन समितिका सदस्यहरूलाई चूडाप्रसाद चौलागाई र दामोदर घिमिरेले तथा प्रमुख अतिथिलाई शब्दयात्रा प्रकाशनका तर्फबाट उपहार समर्पण महाप्रबन्धक शारदाप्रसाद शर्मा र सभापति हरिगोपाल प्रधानले उपहार समर्पण गर्नुभएको थियो ।
गीतिभास्कर मच्छेश्वर सापकोटाले कार्यक्रमको समीक्षा गर्दै सभाविसर्जन गर्नुभएको उक्त कार्यक्रममा शिक्षासेवी डा. उत्तमकृष्ण कर्माचार्य, आध्यात्मिक लेखक मुकुन्दप्रसाद उपाध्याय, फोटो पत्रकार पदमसागर कक्षपति, शिक्षासेवी चन्द्रबहादुर खड्का, शिक्षासेवी रामप्रसाद अधिकारी आदि गण्यमान्य व्यक्तित्वहरूको उपस्थिति रहेको थियो । कार्यक्रमको सञ्चालन संस्थाका अध्यक्ष हरि मञ्जुश्रीबाट गरिएको थियो ।

यस्ता छन् अभिवन्दनापत्रका बेहोराहरू

(क)
श्री रमेश पौड्यालद्वारा व्यवस्थापित
शब्दयात्रा होम–तोत्र शिक्षा सम्मान, २०७६
नेपालको शैक्षिक प्रणालीलाई युगानुकूल सुधार गरेर शैक्षिक संस्थाहरूलाई स्वायत्त संस्थाका रूपमा विकसित गराउन र शिक्षानीतिलाई नेपाली लोकजीवनसँग एकाकार बनाई समृद्ध राष्ट्रनिर्माणमा शैक्षिक क्षेत्रलाई उपयोग गराउन लेखन, प्रकाशन, अभिभाषण आदिद्वारा उत्प्रेरित गराउनुभएका शिक्षाविद् डा. केदारनाथ श्रेष्ठलाई उपहार, किरीट र भेटीसहित यस संस्थाद्वारा संस्थापित शब्दयात्रा होम–तोत्र शिक्षा सम्मान, २०७६ बाट हार्दिकतापूर्वक सम्मानित गर्दै यो अभिवन्दनापत्र समर्पण गर्दछौं ।
पशुपतिमान पःमाँ रमेश पौड्याल हरि मञ्जुश्री सूर्यप्रसाद श्रेष्ठ
सदस्य सम्मान व्यवस्थापक अध्यक्ष प्रमुख अतिथि
सिफारिस समिति शब्दयात्रा प्रकाशन शब्दयात्रा प्रकाशन पूर्वसचिव, पूर्वआयुक्त तथा पूर्वराजदूत
दिनाङ्क ः शनिबार, २३ कार्तिक २०७६

(ख)
श्री सुनील सापकोटाद्वारा व्यवस्थापित
शब्दयात्रा देवीप्रसाद सापकोटा आमसञ्चार सम्मान, २०७६
नेपालको आमसञ्चार क्षेत्रले स्वाभिमानपूर्वक कर्तव्यपालन गर्न नसकिरहेको परिस्थितिमा युगीन जिम्मेवारीलाई स्वीकार गर्दै आमसञ्चारका क्षेत्रमा ऐतिहासिक भूमिका निर्वाह गरेर आमसञ्चारको मूल मर्म र कर्मको उदाहरण नेपाली समाजमा प्रस्तुत गर्नुभएका वरणीय पत्रकार श्री ध्रुवहरि अधिकारीलाई उपहार, किरीट र भेटीसहित यस संस्थाद्वारा संस्थापित शब्दयात्रा देवीप्रसाद सापकोटा आमसञ्चार सम्मान, २०७६ बाट हार्दिकतापूर्वक सम्मानित गर्दै यो अभिवन्दनापत्र समर्पण गर्दछौं ।
पदम दाहाल सुनील सापकोटा हरि मञ्जुश्री सूर्यप्रसाद श्रेष्ठ
संयोजक सम्मान व्यवस्थापक अध्यक्ष प्रमुख अतिथि
सिफारिस समिति शब्दयात्रा प्रकाशन शब्दयात्रा प्रकाशन पूर्वसचिव, पूर्वआयुक्त तथा पूर्वराजदूत
दिनाङ्क ः शनिबार, २३ कार्तिक २०७६

(ग)
नेपालभूमि राष्ट्रिय साप्ताहिकद्वारा व्यवस्थापित
शब्दयात्रा नेपालभूमि स्तम्भकार सम्मान, २०७६
‘नेपालभूमि राष्ट्रिय साप्ताहिक’ लगायतका राष्ट्रिय स्तरका विभिन्न पत्रिकाहरूमा सामाजिक क्षेत्रका नवीनतम विषयहरूलाई आधार बनाई गहन विश्लेषणात्मक टिप्पणीहरू गर्दै सम्बन्धित विषयमा आफ्ना मौलिक चिन्तनहरू पनि प्रस्तुत गरेर उल्लेख्य योगदान गर्नुभएका स्तम्भकार श्री टी. पी. शर्मा तिमिल्सिनालाई उपहार, किरीट र भेटीसहित यस संस्थाद्वारा संस्थापित शब्दयात्रा नेपालभूमि स्तम्भकार सम्मान, २०७६ बाट हार्दिकतापूर्वक सम्मानित गर्दै यो अभिवन्दनापत्र समर्पण गर्दछौं ।
भवानी पाण्डे रश्मि अधिकारी हुमागाईं हरि मञ्जुश्री सूर्यप्रसाद श्रेष्ठ
सदस्य सम्पादक अध्यक्ष प्रमुख अतिथि
सिफारिस समिति नेपालभूमि साप्ताहिक शब्दयात्रा प्रकाशन पूर्वसचिव, पूर्वआयुक्त तथा पूर्वराजदूत
दिनाङ्क ः शनिबार, २३ कार्तिक २०७६

(घ)
श्री हरिगोपाल प्रधानद्वारा व्यवस्थापित
शब्दयात्रा फोटो पत्रकारिता सम्मान, २०७६
नेपालको फोटो पत्रकारिता क्षेत्रको ऐतिहासिक पृष्ठभूमि बोक्ने विशिष्ट व्यक्तित्वका रूपमा रही फोटो पत्रकारितालाई विशेष स्थान दिलाउन अहम् भूमिका खेलेर त्यसलाई पत्रकारिता जगत्कै महàवपूर्ण अङ्गका रूपमा विकसित गराउन उल्लेख्य योगदान गर्नुभएका फोटो पत्रकार श्री राजेन्द्र चित्रकारलाई उपहार, किरीट र भेटीसहित यस संस्थाद्वारा संस्थापित शब्दयात्रा फोटो पत्रकारिता सम्मान, २०७६ बाट हार्दिकतापूर्वक सम्मानित गर्दै यो अभिवन्दनापत्र समर्पण गर्दछौं ।
पशुपतिमान पःमाँ हरिगोपाल प्रधान हरि मञ्जुश्री सूर्यप्रसाद श्रेष्ठ
सदस्य सम्मान व्यवस्थापक अध्यक्ष प्रमुख अतिथि
सिफारिस समिति शब्दयात्रा प्रकाशन शब्दयात्रा प्रकाशन पूर्वसचिव, पूर्वआयुक्त तथा पूर्वराजदूत
दिनाङ्क ः शनिबार, २३ कार्तिक २०७६

(ङ)
श्री सुदर्शन आचार्यद्वारा व्यवस्थापित
शब्दयात्रा आध्यात्मिक पत्रकारिता सम्मान, २०७६
नेपालको आध्यात्मिक पत्रकारिताका क्षेत्रमा निरन्तर सक्रिय भई विभिन्न आध्यात्मिक कार्यक्रम सञ्चालन गरेर श्रोताहरूमा आध्यात्मिक जागरण, चारित्रिक शुद्धता र नैतिक बलको वृद्धि गराउनमा खेलेको अहम् भूमिकाप्रतिको कृतज्ञतास्वरूप आध्यात्मिक क्षेत्रको एक मात्र टेलिभिजन श्री भक्तिदर्शन टेलिभिजनलाई उपहार, किरीट र भेटीसहित यस संस्थाद्वारा संस्थापित शब्दयात्रा आध्यात्मिक पत्रकारिता सम्मान, २०७६ बाट हार्दिकतापूर्वक सम्मानित गर्दै यो अभिवन्दनापत्र समर्पण गर्दछौं ।
भवानी पाण्डे सुदर्शन आचार्य हरि मञ्जुश्री सूर्यप्रसाद श्रेष्ठ
सदस्य सम्मान व्यवस्थापक अध्यक्ष प्रमुख अतिथि
सिफारिस समिति शब्दयात्रा प्रकाशन शब्दयात्रा प्रकाशन पूर्वसचिव, पूर्वआयुक्त तथा पूर्वराजदूत
दिनाङ्क ः शनिबार, २३ कार्तिक २०७६

(च)
योगेन्द्र खत्रीद्वारा व्यवस्थापित
शब्दयात्रा साहित्यिक पत्रिका सम्मान, २०७६
नेपाली भाषा–साहित्यको उन्नयन र साहित्यकारहरूको प्रतिष्ठावृद्धिका लागि विगत अढाइ दशक अघिदेखि श्री नवराज रिजालको सम्पादनमा प्रकाशित भई हालसम्म महàवपूर्ण भाषिक–साहित्यिक सामग्रीहरूको प्रकाशनका लागि निर्वाह गरिरहेको अहम् भूमिकाप्रतिको कृतज्ञतास्वरूप साहित्यिक त्रैमासिक पत्रिका ‘नवप्रज्ञापन’ लाई उपहार, किरीट र भेटीसहित यस संस्थाद्वारा संस्थापित शब्दयात्रा साहित्यिक पत्रिका सम्मान, २०७६ बाट हार्दिकतापूर्वक सम्मानित गर्दै यो अभिवन्दनापत्र समर्पण गर्दछौं ।
पदम दाहाल योगेन्द्र खत्री हरि मञ्जुश्री सूर्यप्रसाद श्रेष्ठ
संयोजक सम्मान व्यवस्थापक अध्यक्ष प्रमुख अतिथि
सिफारिस समिति शब्दयात्रा प्रकाशन शब्दयात्रा प्रकाशन पूर्वसचिव, पूर्वआयुक्त तथा पूर्वराजदूत
दिनाङ्क ः शनिबार, २३ कार्तिक २०७६