शब्दयात्रा प्रकाशन काभ्रे जिल्लाबाट विभिन्न वाङ्मयिक गतिविधिहरू गरिरहेको छ । यस संस्थाले मुख्यतः —
- समाजसेवी तथा बनेपा नगरपालिका वडा नं. ६ का वडासदस्य कृष्णमणि कुइँकेलबाट हालको चलनचल्तीको मूल्यअनुसार करिब ५० लाख रुपियाँ बराबरको जग्गा दानमा प्राप्त गरेको छ ।
- नीलकण्ठेश्वरधाम संरक्षण समितिबाट कार्यालय भवन निःशुल्क प्राप्त गरेको छ ।
- रामचन्द्र हुमागाईंबाट ‘नेपालभूमि राष्ट्रिय साप्ताहिक’ पत्रिकाको स्वामित्व निःशुल्क प्राप्त गरेको छ र त्यो पत्रिका नियमित रूपमा प्रकाशन भइरहेको छ ।
- सम्मानकोषका लागि उर्मिला श्रेष्ठ, गोपाल पराजुली, योगेन्द्र खत्री, कृष्णहरि मैनाली, द्रोणप्रसाद श्रेष्ठ, कविप्रसाद प्याकुरेल, कल्याण लम्साल, निर्मलाकुमारी यगोल श्रेष्ठ, सुनील सापकोटा, सुदर्शन आचार्य, राजेन्द्र विरही र निर्मला श्रेष्ठले एक–एक लाख रुपियाँ राखिदिनुभएको छ । गीता मञ्जुश्री, आनन्दराज श्रेष्ठ र रमेश पौडेलले हरेक वर्ष सम्मानका लागि आर्थिक सहयोग गर्नुभएको छ ।
- हरिगोपाल प्रधानले सम्मानका लागि नगद रकम, माला, प्रमाणपत्र, फ्रेम आदि र अन्य सहयोगसमेत गरी हरेक वर्ष ५० हजार रुपियाँ बराबरको सहयोग गरिरहनुभएको छ ।
- पत्रकारिता छात्रवृत्ति कोषका लागि द्रोणप्रसाद श्रेष्ठले १ लाख रुपियाँ अक्षयकोषमा राखिदिनुभएको छ ।
- हरेक वर्ष विभिन्न विधाका १८ जना राष्ट्रिय व्यक्तित्वलाई प्रतिव्यक्ति ५ हजार रुपियाँसहित सम्मान समर्पण गरिरहेको छ ।
- हरेक वर्ष काभ्रेली छात्रालाई १० हजार रुपियाँका दरले पत्रकारिता छात्रवृत्ति प्रदान गरिरहेको छ ।
- हरेक वर्ष १० हजार रुपियाँको कर्मशीलता पुरस्कार प्रदान गरिरहेको छ ।
- हरेक वर्ष २ जना काभ्रेली पत्रकारलाई कदरपत्र प्रदान गरिरहेको छ ।
- विभिन्न लेखकहरूले लेखेका विभिन्न विधाका १२९ वटा पुस्तकको प्रकाशन गरिसकेको छ ।
- सरस्वतीको मूर्ति राखी प्राणप्रतिष्ठा गरिसकेको छ ।
- पुस्तकालयको स्थापना पनि भइसकेको छ ।
- हरिगोपाल प्रधान, बुद्धरत्न मानन्धर, त्रिरत्न रन्जितकार, सुनील सापकोटा, गीता मञ्जुश्री, डा. भास्कर हुमागाईं जस्ता विभिन्न व्यक्तिहरूबाट विभिन्न समयमा आर्थिक तथा भौतिक सहयोग प्राप्त गरेको छ ।
- नेपालका विशिष्ट व्यक्तित्व पाँचजनाको अर्धकदको सालिक बनेपामा स्थापना गरेको छ । अब निजी क्षेत्रबाट पहिलोपटक संस्थागत विद्यालयको स्थापना गरेका शिक्षासेवी आबाल ब्रह्मचारी षडानन्द अधिकारी, लोकतान्त्रिक विचार प्रवाह गर्न पत्रिका प्रकाशन गरेका प्रथम लोकतान्त्रिक पत्रकार देवीप्रसाद सापकोटा, राष्ट्रिय पुरस्कार पाउने पहिलो वैज्ञानिक नरबहादुर भारती, भाषा–साहित्य क्षेत्रमा लागेर सहिद बनेका प्रथम साहित्यिक सहिद कृष्णलाल अधिकारी र पहिलोपटक गीत रेकर्ड गरेकी गायिका मेलवादेवी गुरुङको सालिक एकै ठाउँमा देख्न पाइएको छ ।
- धुलिखेलमा समाजसेवी बेलप्रसाद श्रेष्ठको प्रतिमा जीवित अवस्थामै स्थापना गरेको छ ।
- वेभसाइट सञ्चालन गरेको छ ।
- विभिन्न लेखकका छुट्टाछुट्टै ब्लगहरू बनाई ती ब्लगहरूमा सम्बन्धित लेखकका पुस्तक, व्यक्तिगत विवरण, तस्बिर, प्रमाणपत्र आदि राखेर विद्युतीय सञ्चार–माध्यमबाट नेपाली लेखकहरूलाई अन्तर्राष्ट्रियकरण गरिँदैछ । यसरी शब्दयात्रा प्रकाशनबाट छापिएका पुस्तकहरू संसारको जुनसुकै ठाउँमा बसेको व्यक्तिले अब कम्प्युटर, ल्यापटप र मोबाइलबाट पढ्न सक्ने भएको छ ।
- वृत्तचित्रको निर्माण पनि गरेको छ ।
- शब्दयात्रा प्रकाशनबाट छापिएका पुस्तकहरू वाचन गरेर चित्रसहित यु–ट्युबमा राख्न थालिएको छ ।
यी उपलब्धिहरूबाट नै यस संस्थाको भविष्यका बारेमा अनुमान गर्न सकिन्छ ।
