शब्दयात्रा प्रकाशनले ७२ औँ प्रकाशनपुष्पका रूपमा ‘मेरो दुःखी जीवन’ नामक पुस्तक प्रकाशन गरेको छ । उक्त पुस्तक २००३ सालमा काभ्रे जिल्लाको मङ्गलटारमा जन्मेका र शिक्षा हासिल गर्नबाट वञ्चित रहेका कुलबहादुर बन्जाराद्वारा लेखिएको हो ।
‘मेरो दुःखी जीवन’ साहित्यिक श्रीवृद्धिका लागि प्रकाशन गरिएको नभई विद्यालय नगएको र पढ्न नपाएको मान्छेले केही लेख्नु र छपाउन आँट गर्नु नै पढेलेखेका मान्छेका लागि ठूलो हाँक हो भन्ने सम्झेर अनि त्यस्ता व्यक्तिको अक्षर र शब्दप्रतिको प्रेम देखेर शब्दयात्रा प्रकाशनले यस पुस्तकको प्रकाशन गरिदिएको हो ।