शब्दयात्रा प्रकाशनले आगामी १४ गते मङ्गलबार सम्मान समर्पण तथा पुस्तक सार्वजनिकीकरण कार्यक्रमको आयोजना गर्ने भएको छ ।
उक्त कार्यक्रममा २०७३ सालका लागि प्रा. डा. गोपाल शिवाकोटीलाई नेपालभूमि साप्ताहिकद्वारा व्यवस्थापित नेपालभूमि स्तम्भकार सम्मान, गुगुल्डी साहित्यिक पत्रिकालाई योगेन्द्र खत्रीद्वारा व्यवस्थापित शब्दयात्रा साहित्यिक पत्रिका सम्मान, गौरी आध्यात्मिक पत्रिकालाई प्रेमबहादुर खड्काद्वारा व्यवस्थापित शब्दयात्रा आध्यात्मिक पत्रकारिता सम्मान र मङ्गलमोहन श्रेष्ठलाई हरिगोपाल प्रधानद्वारा व्यवस्थापित शब्दयात्रा फोटो पत्रकारिता सम्मान समर्पण गरिनेछ । सोही समारोहमा काभ्रे जिल्लाका सक्रिय पत्रकारद्वय रमेशप्रसाद न्यौपाने र नगेन्द्र अधिकारीलाई कदरपत्र प्रदान गरिनेछ ।
कार्यक्रममा शब्दयात्रा प्रकाशनद्वारा प्रकाशित केही पुस्तकहरू सार्वजनिक गरिनेछन् । सार्वजनिक हुने पुस्तकहरू श्रीधर प्याकु¥यालद्वारा लिखित ‘डा. सुरेशराज शर्मा’ लघुकाव्य, भरतराज महतद्वारा लिखित ‘द ट्य्राजिक स्टोरी’ अङ्ग्रेजी उपन्यास, ज्ञानेन्द्रराज भट्टराईद्वारा लिखित ‘फालिकोटको फाली’ संस्मरणसङ्ग्रह र कुलबहादुर बन्जाराद्वारा लिखित ‘मेरो दुःखी जीवन’ संस्मरण रहेका छन् । समारोहमा ‘नेपाल कम्पन’ लघुकाव्य, ‘नेपालभूमि साप्ताहिक’ को सम्मान समर्पण तथा पुस्तक सार्वजनिकीकरण विशेषाङ्क र शब्दयात्रा प्रकाशनका स्टिकरहरू निःशुल्क वितरण गरिनेछन् ।
बनेपाको केएन ब्यान्क्वेटमा गरिने उक्त कार्यक्रममा समुपस्थितिका लागि शब्दयात्रा प्रकाशनले सबै मित्रहरूलाई अनुरोध गरेको छ ।
सम्मान समर्पण र पुस्तक सार्वजनिकीकरण कार्यक्रम १४ गते
