कवि तथा शब्दयात्रा प्रकाशनका आजीवन सदस्य अमर त्यागी (ओखलढुङ्गा, हाल अमेरिका) ले पिता रणबहादुर श्रेष्ठ र माता लक्ष्मी श्रेष्ठको सम्मान र स्मृतिमा स्थापना गरी सञ्चालन गर्नुभएको ‘रणलक्ष्मी राष्ट्रिय प्रतिभा पुरस्कार’ यस वर्षदेखि शब्दयात्रा प्रकाशनबाट समर्पण गर्ने सहमति भएको छ । शब्दयात्रा प्रकाशनको कार्यविधिअनुसार छनोट भएका साहित्यकारलाई समर्पण गरिने उक्त पुरस्कार १५ हजार रुपियाँको हुनेछ । साथमा अभिवन्दनापत्र, शब्दयात्रा पट्ट, उपहार र रुद्राक्षमाला समर्पण गरिनेछ । यसअघि उक्त पुरस्कार निबन्धकार माधव काफ्ले (रौतहट) लाई समर्पण गरिएको थियो । ‘बाँसुरीमा आँसुको गीत’, ‘अक्षरहरूको देश’, ‘अनुभूतिको जुलुस’, ‘अभियुक्त ईश्वर’, ‘अन्धसत्ता’, ‘अदृश्य’, ‘अक्लान्त’ र ‘अमानव’ कवि अमर त्यागीद्वारा लिखित कृतिहरू हुन् । आफूले स्थापना गरी सञ्चालन गरेको पुरस्कारको व्यवस्थापन शब्दयात्रा प्रकाशनलाई सुम्पनुभएकोमा कवि अमर त्यागीप्रति शब्दयात्रा प्रकाशन हार्दिक आभार व्यक्त गर्दछ ।