लामो समयको अन्तरालपछि कवि नरनारायण ‘वत्स’ का कविताहरू कवितासङ्ग्रहमा पढ्न पाइने भएको छ । ‘समयको अन्तराल’ नाउँ दिइएको त्यस कवितासङ्ग्रहको प्रकाशन शब्दयात्रा प्रकाशनबाट हुन लागेको छ । कवितासङ्ग्रहलाई यही असार महिनामा सार्वजनिक गर्न खोजिएको छ । कवि डा. विष्णुविभु घिमिरेको मन्तव्यसहित ३८ वटा कविता सङ्गृहीत त्यो सङ्ग्रह कवि ‘वत्स’ को दोस्रो कवितासङ्ग्रह हो । यसअघि २०२४ सालमा उहाँको पहिलो कवितासङ्ग्रहका रूपमा ‘यहाँ यस्तै छ’ छापिएको थियो । कवि ‘वत्स’ इलाम जिल्लाका साहित्यिक प्रतिभा हुनुहुन्छ ।