बादलका तरेलीहरू

कवि पदम दाहालको प्रथम प्रकाशित पुस्तकाकार कृति ‘बादलका तरेलीहरू’ कवितासङ्ग्रहमा एउटा भजनसहित वर्णमात्रिक छन्दका, झ्याउरे लयका, गजलको स्वरूपका र गद्यात्मक संरचनाका ६७ वटा कविता सङ्कलित छन् । कविताहरू कुनै पूर्वप्रकाशित र कुनै अप्रकाशित छन् । कवितात्मक शिल्पमा भन्दा भावनात्मक सघनतामा बढी जोड दिइएका यस सङ्ग्रहका कविताहरूबाट नेपाली कविताका पाठकले बेग्लै प्रकारको नयाँ स्वाद प्राप्त गर्नेछन् ।