शब्दयात्रा प्रकाशनद्वारा प्रकाशित तथा केवल कार्कीद्वारा लिखित पद्मकवितासङ्ग्रह ‘छानोविनाको घर’ लाई गत २०७७ साल असोज २२ गते शनिबार शब्दयात्रा प्रकाशनको सभाकक्षमा आयोजित ‘कर्मयोद्धासँग शब्दसंवाद’ कार्यक्रमको १ सय ११ औँ शृङ्खलामा सार्वजनिक गरियो ।
शब्दयात्रा प्रकाशनका अध्यक्ष हरि मञ्जुश्रीको सभापतित्वमा सम्पन्न उक्त कार्यक्रमका प्रमुख अतिथि कवि विप्लव प्रतीक र अतिथि रङ्गकर्मी राजन खतिवडा हुनुहुन्थ्यो । प्रमुख अतिथि, सभापति र कृतिकारले थैलीबाट पुस्तक निकालेर संयुक्त रूपमा सार्वजनिक गर्नुभएको उक्त कार्यक्रममा कवि केवल कार्कीले मन्तव्यका साथ छन्दोबद्ध कविता वाचन गर्नुभएको थियो । कवितासङ्ग्रहमाथि शब्दयात्रा प्रकाशनका महाप्रबन्धक शारदाप्रसाद शर्माले समीक्षा गर्नुभएको थियो ।
‘शब्दसञ्चार’ रेडियो कार्यक्रमका सञ्चालक शिव बन्जाराले सञ्चालन गर्नुभएको उक्त कार्यक्रममा कृष्णमणि कुइँकेलले स्वागत मन्तव्य, पं. रमेश अधिकारीले स्वस्तिवाचन, निर्मला श्रेष्ठले सभाविसर्जन, पुण्यवती घले र सङ्गीता केसीले सामग्री व्यवस्थापन, चूडाप्रसाद चौलागाई र सहदीप पलान्चोकेले रुद्राक्षमाला अर्पण तथा दामोदर घिमिरेले अतिथिहरूलाई उपहार अर्पण गर्नुभएको थियो । पत्रकारहरू निर्भीकजङ्ग रायमाझी र दीपक सापकोटाका साथै छविलाल कुइँकेल, नवराज पराजुली आदि पनि कार्यक्रममा उपस्थित हुनुहुन्थ्यो ।
पुस्तक सार्वजनिक
