पाँचथर जिल्लाका युवा कवि छवीन्द्र चेम्जोङको दोस्रो पुस्तक शब्दयात्रा प्रकाशनबाट प्रकाशन हुने भएको छ । ‘अल्झिएका सपना’ नाउँ राखिएको त्यो पुस्तक गजलसङ्ग्रह हो । पुस्तक यही पुस महिनाभित्र प्रकाशित भइसक्नेछ । जम्मा ७२ पृष्ठको यस सङ्ग्रहमा ५९ वटा गजलहरू राखिएका छन् । शब्दयात्रा प्रकाशनबाट प्रकाशित यो १९६ औँ पुस्तक हो । यसअघि उहाँको ‘अजम्मरी नासो’ नामक गीतगजलसङ्ग्रह प्रकाशित भएको थियो ।