टीकादत्त बरालद्वारा लिखित ‘महाकवि देवकोटाका काव्यको अध्ययन’ का बारेमा डा. सुरेशराज शर्माले लेख्नुभएको छ — “टीकादत्त बराल आफ्नो विषयमा बलियो पकड राख्ने र विज्ञता हासिल गर्ने विद्वान् हुनुभएकाले उहाँका हरेक पुस्तक गहन अन्वेषणबाट निस्केका निचोडजस्ता लाग्छन् । ‘महाकवि देवकोटाका काव्यको अध्ययन’ पनि त्यस्तै खालको कृति हो । महाकवि लक्ष्मीप्रसाद देवकोटाका काव्यकृतिहरूको सूक्ष्म रूपमा अध्ययन तथा विश्लेषण गरेर आफ्नो धारणासहित लेखिएको यस पुस्तकले महाकवि देवकोटालाई बुझ्न अझ सहयोग गर्नेछ र यस पुस्तकले आफ्नै खालको विशिष्ट महत्त्व पनि राख्नेछ ।”