Shabdayatra Prakashan

शब्दयात्रा प्रकाशनका संस्थापक अध्यक्ष हरि मञ्जुश्रीको मोती महोत्सव समारोहका विषयमा शब्दयात्रा प्रकाशनले वृत्तचित्रको निर्माण गरेको छ ।
उक्त वृत्तचित्र शब्दयात्रा प्रकाशनको वेबसाइट र यु–ट्युबबाट हेर्न–सुन्न सकिनेछ ।

विपत्तिमा परेका साहित्यकार, पत्रकार तथा कलाकारहरूलाई आर्थिक सहयोग गर्ने गरेको शब्दयात्रा प्रकाशनले त्यस कार्यका लागि अक्षरसेवी सहयोग कोषको सञ्चालन गरेको छ । त्यही कोषका लागि विराटनगरबाट अग्रज समाजसेवी श्रीमती सीता पोखरेलले शब्दयात्रा प्रकाशनलाई ११ हजार रुपियाँ आर्थिक सहयोग गर्नुभएको छ । उहाँले यसअघि पनि आर्थिक सहयोग गर्नुभएको थियो ।
शब्दयात्रा प्रकाशनलाई आर्थिक सहयोग गर्नुभएकोमा अग्रज समाजसेवी श्रीमती सीता पोखरेलमा शब्दयात्रा प्रकाशन हार्दिक आभार व्यक्त गर्दछ ।

पूर्वराजदूत, पूर्व प्रमुख निर्वाचन आयुक्त तथा पूर्वसचिव सूर्यप्रसाद श्रेष्ठले शब्दयात्रा प्रकाशनद्वारा संस्थापित ‘शब्दयात्रा कर्मशीलता पुरस्कार’ को आर्थिक व्यवस्थापन गरिदिनुभएको छ । शब्दयात्रा प्रकाशनले हरेक वर्ष कर्मशीलता पुरस्कार प्रदान गर्ने गरेकोमा त्यही पुरस्कारका लागि कोषमा आफ्ना तर्फबाट एक लाख रुपियाँ राखिदिएर उहाँले शब्दयात्रा प्रकाशनको कोषबृद्धिमा सहयोग गर्नुभएको हो ।
‘शब्दयात्रा कर्मशीलता पुरस्कार’ का लागि आर्थिक व्यवस्थापन गरिदिनुभएकोमा पूर्वप्रशासक तथा कूटनीतिज्ञ सूर्यप्रसाद श्रेष्ठप्रति शब्दयात्रा प्रकाशन हार्दिक आभार व्यक्त गर्दछ ।

शब्दयात्रा प्रकाशनले स्थापना गरेको शब्दयात्रा बालसाहित्य सम्मानबाट २०६९ सालमा सम्मानित कवि श्यामदास वैष्णवको निधनले हामीलाई दुःखित बनाएको छ । हामी उहाँको आत्मशान्तिका लागि नीलकण्ठेश्वर महादेवसँग प्रार्थना गर्दै शोकसन्तप्त परिवारजनप्रति हार्दिक समवेदना व्यक्त छौँ ।

शब्दयात्रा प्रकाशन परिवार

शब्दयात्रा प्रकाशनले स्थापना गरेको शब्दयात्रा स्तम्भकार सम्मानबाट २०७३ सालमा सम्मानित प्रा. डा. गोपाल शिवाकोटीको निधनले हामीलाई दुःखित बनाएको छ । हामी उहाँको आत्मशान्तिका लागि नीलकण्ठेश्वर महादेवसँग प्रार्थना गर्दै शोकसन्तप्त परिवारजनप्रति हार्दिक समवेदना व्यक्त छौँ ।

शब्दयात्रा प्रकाशन परिवार

          शब्दयात्रा प्रकाशनद्वारा संस्थापित शब्दसाधक तीर्थका विषयमा नेपाल बोर्डर अनलाइन टीभीले १५ मिनेटको सङ्क्षिप्त वृत्तचित्रको निर्माण गरेको छ । उक्त वृत्तचित्र नेपाल बोर्डर अनलाइन टीभी च्यानल, यु–ट्युब, शब्दयात्रा प्रकाशनको वेबसाइट र संस्थापक अध्यक्ष हरि मञ्जुश्रीको फेसबुक पेजबाट हेर्न सकिन्छ । यो वृत्तचित्रको निर्माणका लागि साहित्यकार, साहित्यिक पत्रकार तथा सञ्चारकर्मी रेणुका भट्टराईप्रति शब्दयात्रा प्रकाशन हार्दिक आभार व्यक्त गर्दछ ।