शब्दयात्रा प्रकाशनले २०८३ सालको ‘शब्दयात्रा कल्याण लम्साल सिर्जना सम्मान’ हरि कोर्काली (हरिकृष्ण खतिवडा, भोजपुर) मा समर्पण गर्ने भएको छ । शब्दयात्रा प्रकाशनको प्रकाशकत्वमा २०८२ सालभरिमा प्रकाशित कृतिहरूमध्ये ‘सुनका दाना’ बालकवितासङ्ग्रहका लागि यो सम्मान समर्पण गर्न लागिएको हो । यस सम्मानको कोष व्यवस्थापन कवि कल्याण लम्साल (काठमाडौँ) ले गर्नुभएको हो । सम्मान समर्पण समारोह आगामी जेठ महिनाको २३ गते शनिबार शब्दयात्रा प्रकाशनको सभाकक्ष बनेपामा आयोजना गरिनेछ । सम्मान ग्रहण गर्न स्वीकृति प्रदान गर्नुभएकोमा हरि कोर्कालीप्रति शब्दयात्रा प्रकाशन परिवार हार्दिक आभार प्रकट गर्दछ ।