शब्दयात्रा प्रकाशनको आयोजनामा हिजो २०८२ साल पुस १७ गते बिहीबार आफ्नै सभाकक्षमा शब्दसाधना प्रस्तुतीकरण कार्यक्रमको तेस्रो शृङ्खला सम्पन्न गरियो । कृष्णमणि कुइकेलको सभापतित्व र संस्थापक अध्यक्ष हरि मञ्जुश्रीको समेत उपस्थितिमा सम्पन्न हिजोको कार्यक्रम अमृत अधिकारीले सञ्चालन गर्नुभएको थियो । उक्त कार्यक्रमको छायाङ्कन तथा स्वराङ्कन रोशन अधिकारीले, रुद्राक्षमाला समर्पण केदारनाथ तिमल्सिनाले, कार्यक्रमको समुद्घाटन डा. इन्दुल केसीले, कविता वाचन मुरहरि रायमाझीले र सभाविसर्जन शीला कतिलाले गर्नुभएको थियो ।