कवि हरि कोर्कालीले लेख्नुभएको चौथो पुस्तक ‘सुनका दाना’ (बालकवितासङ्ग्रह) लाई कृतिकार र उहाँका गुरु प्रा. केदारनाथ श्रेष्ठले २०८२ जेठ ३१ गते शनिबार शब्दयात्रा प्रकाशनको सभाकक्षमा आयोजित समारोहमा संयुक्त रूपमा सार्वजनिक गर्नुभयो ।
यस सङ्ग्रहमा ५६ वटा कविता छन् । हरेक कवितामा सुन्दर चित्रहरू पनि राखिएका छन् । चित्रहरू कविताको भाव अनुसारका नै छन् । चित्रहरूले पाठकलाई कविता पढौँ–पढौँ बनाइदिन्छन् । कविताहरूले पाठकलाई मनोरञ्जन पनि दिन्छन् र ज्ञान पनि बढाइदिन्छन् । विद्यालयमा अध्ययन गर्ने ६–७ कक्षासम्मका विद्यार्थीका लागि यो पुस्तक कामलाग्दो छ । सङ्गीतबद्ध गर्ने हो भने बालश्रोताका लागि कर्णप्रिय हुने खालका कविता यसमा छन् । कविताहरू एकपटक पढेपछि दोहो¥याएर पढ्न मन लाग्ने र अरूलाई पनि पढ्न लगाउने खालका छन् । बालपाठकलाई त यस पुस्तकले यस्ता खालका बालसाहित्यिक पुस्तकहरू पढ्नमा रुचि नै जगाइदिनेछ ।
