प्रेमकुमार कर्माचार्यले लेख्नुभएको ‘मानबहादुर कर्माचार्य र गुर्जन ठाकुर’ नामक पुस्तिका पठनीय छ । यस पुस्तिकामा लेखकले आफ्ना पिताजी मानबहादुर कर्माचार्यको सामाजिक तथा शैक्षिक योगदानको उल्लेख गर्नुभएको छ । यसका साथै किंवदन्तीका रूपमा रहेको तर लोप हुन लागेको गुर्जन ठाकुरको कथालाई पनि उजागर गर्नुभएको छ । कसैको पनि योगदान ओझेलमा नपरोस् भन्ने उद्देश्यले यो पुस्तिका तयार पारेर उहाँले सबैले नेपाली समाजमा यसरी नै योगदान गर्नुपर्छ भन्न खोज्नुभएको छ ।