साहित्यकारद्वय ज्ञान उदास र प्रेमा उदासले आफूले उपहार पाएर तथा खरिद गरेर निजी सङ्कलनमा राखेका महत्त्वपूर्ण र दुर्लभ पुस्तकहरू शब्दयात्रा प्रकाशन पुस्तकालयलाई उपहारस्वरूप प्रदान गर्नुभएको छ । ती पुस्तकहरू साहित्यकार प्रेमा उदासले प्रदान गर्नुभएको थियो भने शब्दयात्रा प्रकाशन पुस्तकालयका तर्फबाट शब्दयात्रा प्रकाशनका आजीवन सदस्य वेदप्रसाद गौतमले ग्रहण गर्नुभएको थियो । शब्दयात्रा प्रकाशनको सभाकक्षमा आयोजित विशेष कार्यक्रममा पुस्तकालयका लागि पुस्तकहरू हस्तान्तरण गरिएको हो । निजी सङ्कलनमा राखेका महत्त्वपूर्ण र दुर्लभ पुस्तकहरू शब्दयात्रा प्रकाशन पुस्तकालयलाई उपहारस्वरूप प्रदान गर्नुभएकोमा साहित्यकारद्वय ज्ञान उदास र प्रेमा उदासप्रति शब्दयात्रा प्रकाशन हार्दिक आभार व्यक्त गर्दछ ।
