शब्दयात्रा प्रकाशनले शब्दयात्रा किरीट र शब्दयात्रा पट्टका शिल्पी शिव परियारलाई कदरपत्र प्रदान गरेको छ । उहाँलाई शब्दयात्रा प्रकाशनका तर्फबाट आजीवन सदस्य डा. भास्कर हुमागाईंले कदरपत्र प्रदान गर्नुभएको हो । शब्दयात्रा प्रकाशनको स्थापनाकालदेखि नै यस संस्थाले गर्ने सम्मान समर्पण कार्यक्रमका लागि शब्दयात्रा किरीट र पुरस्कार समर्पण कार्यक्रमका लागि शब्दयात्रा पट्ट कलात्मक तरिकाले तयार पारिदिएर यस संस्थाको राष्ट्रिय गरिमा बृद्धि गर्नमा शिव परियारले गर्नुभएको सहयोगको कदरस्वरूप उहाँलाई सुस्वास्थ्य, सिर्जनशीलता तथा सक्रिय दीर्घजीवनको कामनाका साथ कदरपत्र प्रदान गरिएको हो ।