शब्दयात्रा प्रकाशनले आगामी २०७६ सालको जेठ महिनामा समर्पण गरिने विभिन्न ६ विधाका सम्मानहरूका लागि उपयुक्त व्यक्ति वा संस्थाको नाउँ आगामी वैशाख २० गतेभित्र उपलब्ध गराइदिन सबैमा अनुरोध गरेको छ ।
२०७६ सालमा समर्पण गरिने १८ विधाका सम्मानहरूमा जेठ महिनामा शब्दयात्रा प्रशासनिक महिला प्रतिभा सम्मान, शब्दयात्रा राष्ट्रझङ्कार सम्मान, शब्दयात्रा नन्दिकेश्वर अधिकारी शोध सम्मान, शब्दयात्रा सिर्जना सम्मान, शब्दयात्रा शिक्षक सम्मान र शब्दयात्रा सामाजिक जागरण सम्मान समर्पण गरिनेछन् । हरेक सम्मानमा ५ हजार रुपियाँ, किरीट, प्रमाणपत्र र उपहार समर्पण गर्ने गरिन्छ ।
ती सम्मानहरूबाट गत वर्ष क्रमशः सावित्री जङ्गम थापा, नरेन्द्रबहादुर श्रेष्ठ, नरेन्द्रकुमार अधिकारी, द्रोणप्रसाद श्रेष्ठ, रामप्रसाद अधिकारी र सुभाष स्मृति प्रतिष्ठानलाई सम्मान गरिएको थियो ।
सम्मानका लागि सिफारिस आह्वान
