शब्दयात्रा प्रकाशन स्थापना भई औपचारिक रूपमा समुद्घाटन गरिएको ६ वर्ष पूरा भएको अवसर पारी शब्दयात्रा प्रकाशनले ‘शब्दयात्रा प्रकाशनको ६ वर्ष’ नामक पुस्तकको प्रकाशन गरेको छ । शब्दयात्रा प्रकाशनको नियमित साप्ताहिक कार्यक्रम ‘कर्मयोद्धासँग शब्दसंवाद’ कार्यक्रमका संयोजक पदमनाथ ढुङ्गाना र शब्दयात्रा प्रकाशनका महाप्रबन्धक शारदाप्रसाद शर्माको सङ्कलन तथा संयोजनमा तयार पारिएको उक्त पुस्तकलाई आगामी भदौ १३ गते आयोजना गरिने सम्मान समर्पण तथा पुस्तक सार्वजनिकीकरण समारोहमा सार्वजनिक गरिने भएको छ । शब्दयात्रा प्रकाशनद्वारा प्रकाशित यो ९० औँ पुस्तक हो ।
शब्दयात्रा प्रकाशनको इतिहास, उद्देश्य, कार्यक्रमहरू र भावी योजनाहरू समेटिएको यस पुस्तकले शब्दयात्रा प्रकाशनका विषयमा पूर्ण जानकारी गराउने र मार्गनिर्देशनसमेत गराउने जानकारी सङ्कलक तथा संयोजकद्वयले गराउनुभएको छ ।
‘शब्दयात्रा प्रकाशनको छ वर्ष’ प्रकाशित
