शब्दयात्रा प्रकाशनका हितचिन्तक, नेपाली भाषा–साहित्यका अनन्य साधक एवं अक्षरपूजामा आजीवन समर्पित भक्त कमलमणि दीक्षित सङ्कलन, अध्ययन, अन्वेषण, लेखन, सम्पादन, प्रकाशन, संस्था–सञ्चालन आदिजस्ता वाङ्मयिक क्रियाकलापहरूबाट आफूलाई मुक्त पार्दै इहलोकबाट परलोकतर्फ प्रस्थान गर्नुभएको दुःखद अवस्थाले हामी शब्दसाधकहरूलाई अत्यन्त व्यथित बनाएको छ । नेपाली जातिलाई गौरवान्वित बनाइरहने उहाँका कृति र कीर्तिले उहाँको स्मृतिलाई चिरजीवन दिइरहने विश्वासका साथ उहाँप्रति आत्मिक श्रद्धाभाव र मोक्षकामना व्यक्त गर्दै शोकाकुल परिवारजनप्रति समवेदना र सहवेदनाको अनुभूति सम्प्रेषण गर्दछौं ।
अध्यक्ष हरि मञ्जुश्री, तथा
शब्दयात्रा प्रकाशन परिवार
अक्षरधाम, बनेपा — १०, काभ्रे