शब्दयात्रा प्रकाशनका संस्थापक अध्यक्ष हरि मञ्जुश्रीलाई सुभाष स्मृति प्रतिष्ठानले यही २०७७ चैत १३ गते शुक्रबार ‘राष्ट्रिय स्वाभिमान जागरण सम्मान, २०७७’ समर्पण गरेको छ । सम्मानपत्रमा ‘सामाजिक सन्जालको एउटा अङ्ग मानिने फेसबुकको सदुपयोग गरी त्यसमा विभिन्न प्रकारका आध्यात्मिक, सामाजिक र ऐतिहासिक विषयवस्तुका अन्वेषणात्मक तथा जानकारीमूलक सामग्रीहरू राखेर सङ्क्षिप्त सूचनाबाट वृहत् सन्देश दिई राष्ट्रिय समाजमा नेपाली स्वाभिमानको जागरण गराउनका लागि विशिष्ट योगदान गर्नुभएकोमा तपाईं अन्वेषक श्री हरि मञ्जुश्रीज्यूलाई राष्ट्रिय स्वाभिमान जागरण सम्मान, २०७७ द्वारा हार्दिकतापूर्वक सम्मान गर्दै यो सम्मानपत्र समर्पण गर्दछौं’ लेखिएको छ । कार्यक्रममा उहाँसँगै दीनबन्धु अर्याल, आरडी प्रभास चटौत, डा. बेन्जू शर्मा र सीता पोखरेललाई पनि सम्मान गरिएको थियो ।