अग्रज उपन्यासकार शङ्कर भारती र ‘कपन बानेश्वर’ नामक साप्ताहिक साहित्यिक पत्रिकाका सम्पादक निबन्ध आचार्यले शब्दयात्रा प्रकाशनद्वारा बनेपाको कृष्णगीता परिसरमा स्थापना गरिएको शब्दसाधकहरूको स्मारक गत २०७५ पुस ६ गते शुक्रबार अवलोकन गर्नुभयो ।
उहाँहरूलाई शब्दयात्रा प्रकाशनका अध्यक्ष हरि मञ्जुश्रीले स्वागत गर्दै संस्थाले गरेका कार्यहरूका बारेमा जानकारी गराउनुभयो र संस्थाले भविष्यमा गर्न खोजेका कार्यहरूका बारेमा पनि बताउनुभयो । त्यस बखत उपन्यासकार भारतीले शब्दयात्रा प्रकाशनलाई सहयोग गर्न आफूहरू तयार रहेको बताउनुभयो भने ‘कपन बानेश्वर’ पत्रिकाका सम्पादक आचार्यले ‘कपन बानेश्वर’ पत्रिका र शब्दयात्रा प्रकाशनका बीच सहकार्य गर्न सकिने कुरा उल्लेख गर्नुभयो ।
