शब्दयात्रा प्रकाशनका अध्यक्ष हरि मञ्जुश्रीद्वारा लिखित निबन्धसङ्ग्रह ‘केही गएका केही रहेका’ २०७५ पुस १४ गते पूर्व मन्त्रिपरिषद्का अध्यक्ष तथा पूर्व प्रधान न्यायाधीश खिलराज रेग्मीबाट बनेपा नगरपालिकामा आयोजना गरिने सुभाष स्मृति प्रतिष्ठानको वार्षिकोत्सव समारोहमा सार्वजनिक हुने भएको छ ।
निबन्धसङ्ग्रहमा काभ्रे जिल्लाका दिवङ्गत १० जना र जीवित ७ जना गरी १७ जनाका विषयमा लेखिएका पूर्वप्रकाशित निबन्धहरू सङ्कलित छन् । दिवङ्गतमा कृष्णप्रसाद पराजुली, ज्योतिप्रकाश सैँजू, दिनेश सेवाचार्य, दुर्गाप्रसाद शास्त्री, नरबहादुर भारती, भरतराज महत, मणिराज कायस्थ, रामचन्द्र हुमागाईं, सप्तलाल ताम्राकार, हरिकृष्ण न्हसिजू श्रेष्ठ तथा जीवितमा कृष्णमणि कुइँकेल, गोपाल पराजुली, चूडाप्रसाद चौलागाईं, प्रकाशबहादुर कायस्थ, डा. रामकण्ठ माकजू श्रेष्ठ, सुधा सिलवाल र ज्ञानकाजी मानन्धर रहेका छन् ।
‘केही रहेका केही गएका’ हरि मञ्जुश्रीको दसौँ निबन्धसङ्ग्रह, तीसौँ मौलिक कृति र एक सय बाह«ौँ पुस्तक हो ।
