नेपालको पहिलो महिला महाप्रबन्धक, कुशल प्रशासक, साहित्यिक स्रष्टा, अग्रज समाजसेवी तथा ‘शब्दयात्रा प्रशासनिक महिला प्रतिभा सम्मान’ बाट सम्मानित व्यक्तित्व श्रीमती सावित्री जङ्गम थापा शब्दयात्रा प्रकाशनको आजीवन सदस्य बन्नुभएको छ । उहाँ शब्दयात्रा प्रकाशनका लागि घर बनाइदिने उदार दाता हुनुहुन्छ । शब्दयात्रा प्रकाशन पुस्तकालयको समुद्घाटन पनि उहाँबाटै भएको थियो । उहाँको नाउँबाट शब्दयात्रा प्रकाशनमा ‘श्रीमती सावित्री जङ्गम थापा अध्ययन–अनुसन्धान कक्ष’ खोलिएको छ । उहाँका धेरैवटा पुस्तक प्रकाशित छन् । उहाँको सम्मानस्वरूप हरि मञ्जुश्रीको सम्पादनमा अभिनन्दनग्रन्थ प्रकाशन गरिएको छ । उहाँजस्ती विदुषीलाई आजीवन सदस्यका रूपमा स्वागत गर्न पाएकोमा शब्दयात्रा प्रकाशन परिवारले हर्षको अनुभव गरेको छ ।