शब्दयात्रा प्रकाशनले २०७९ सालको ‘शब्दयात्रा प्रा. केदारनाथ–लीला श्रेष्ठ भोजपुर अनुसन्धान विद्वतवृत्ति’ लालकुमार तामाङलाई प्रदान गर्ने भएको छ । विद्वतवृत्तिको राशी १५ हजार रुपियाँ रहेको छ । शब्दयात्रा प्रकाशनको लघु अनुसन्धान परियोजना अन्तर्गत भोजपुरको विद्योदय माध्यमिक विद्यालयका विषयमा शोधप्रबन्ध लेखनका लागि उहाँलाई यो विद्वतवृत्ति प्रदान गर्न लागिएको हो । यो विद्वतवृत्ति भोजपुर जिल्लाका शैक्षिक तपस्वी प्रा. केदारनाथ श्रेष्ठको आर्थिक व्यवस्थापनमा शब्दयात्रा प्रकाशनमा खडा गरिएको हो भने साहित्यस्रष्टा भानुभक्त कुभिन्डेली शब्दयात्रा प्रकाशन र लालकुमार तामाङबीचको सम्बन्धसेतु बन्नुभएको हो । विद्वतवृत्ति प्राप्त गर्नुभएकोमा भोजपुरको विद्योदय माध्यमिक विद्यालयका शिक्षक लालकुमार तामाङलाई हार्दिक बधाई छ ।
