शब्दयात्रा प्रकाशनद्वारा प्रकाशित साप्ताहिक पत्रिका ‘नेपालभूमि साप्ताहिक’ र शब्दयात्रा प्रकाशनको साप्ताहिक रेडियो कार्यक्रम ‘शब्दसञ्चार’ बाट काभ्रे जिल्लामा चारजना वरिष्ठ व्यक्तित्वहरूको सालिक स्थापना गर्नका लागि सहयोग गर्न सार्वजनिक रूपमा आह्वान गरिएपछि अत्यन्त खुसी भएर सहयोगदाताहरूले सहयोग गर्न थालेका छन् । बनेपामा चारजनाको सालिक राखिने समाचार राष्ट्रिय तथा स्थानीय पत्रपत्रिकाहरूले प्रकाशन गरेपछि शब्दयात्रा प्रकाशनले सहयोगका लागि सार्वजनिक आह्वान गरेको थियो ।
सालिकको निर्माण तथा स्थापनासम्बन्धी कार्यक्रमका लागि गीता मञ्जुश्री अधिकारीले १० हजार १ सय १ रुपियाँ, द्रोणप्रसाद श्रेष्ठले ११ हजार १ सय ११ रुपियाँ, माधवप्रसाद अधिकारीले ५ हजार १ सय रुपियाँ र सोमकाजी शाक्यले ५ हजार ५ सय २५ रुपियाँ सहयोग गर्नुभएको छ । अन्य थुप्रै व्यक्तिहरूले फोन गरेर सहयोग गर्ने प्रतिबद्धता व्यक्त गर्नुभएको छ । सहयोगी मित्रहरूको नाउँ र सहयोगसम्बन्धी जानकारी ‘नेपालभूमि साप्ताहिक’ र ‘शब्दसञ्चार कार्यक्रम’ बाट गराइनेछ । सालिकको अनावरण गर्दा सार्वजनिक गरिने पुस्तकमा हरेक सहयोगदाताको नाउँ र सहयोगको विवरण उल्लेख गरिनेछ । घटीमा ५ हजार १ सय रुपियाँसम्मको आर्थिक सहयोग गर्ने सहयोगीहरूको नाउँ शिलापत्रमा राखिने भएको छ ।
