शब्दयात्रा प्रकाशनले आगामी फागुन महिनामा सम्मान गरिने शिक्षा, आमसञ्चार, सामाजिक जागरण र विज्ञान–प्रविधि गरी चार विधाका सम्मानयोग्य व्यक्ति अथवा संस्थाको नाउँ र योगदानको विवरण आगामी माघ १५ गतेभित्र शब्दयात्रा प्रकाशनमा प्राप्त हुने गरी उपलब्ध गराइदिन सबैमा अनुरोध गरेको छ । त्यसरी सिफारिस प्राप्त भएका व्यक्ति अथवा संस्थाहरूमध्येबाट नै चयन समितिले सम्मान गर्नुपर्ने व्यक्ति अथवा संस्थाको नाउँ चयन गर्ने गर्दछ ।
शब्दयात्रा प्रकाशनले हरेक वर्षको फागुन महिनामा शिक्षा, आमसञ्चार, सामाजिक जागरण र विज्ञान–प्रविधि विधामा सम्मान समर्पण गर्ने गरेको छ । गत वर्षको फागुन महिनामा शिक्षा सम्मानबाट तनहूँको महेश संस्कृत गुरुकुल, आमसञ्चार सम्मानबाट विराटनगरका कोशराज रेग्मी, सामाजिक जागरण सम्मानबाट तनहूँका भीमबहादुर अधिकारी र विज्ञान–प्रविधि सम्मानबाट अर्घाखाँचीका प्रा. डा. होमनाथ भट्टराई सम्मानित भएका थिए ।