शब्दयात्रा प्रकाशनको आयोजनामा शब्दयात्रा प्रकाशनकै परिसरमा गत २०७४ फागुन १५ गते मङ्गलबार सम्मान समर्पण तथा पुस्तक सार्वजनिकीकरण समारोह सम्पन्न भयो । वरिष्ठ कवि तथा अग्रज संस्कृतिविद् तुलसी दिवसको प्रमुख आतिथ्य, नियात्राकार पोष चापागाईंको विशेष आतिथ्य र निबन्धकार द्रोणप्रसाद श्रेष्ठको आतिथ्यमा सम्पन्न उक्त समारोहको सभापतित्व शिक्षासेवी तथा समाजसेवी निर्मला श्रेष्ठले गर्नुभएको थियो । शब्दयात्रा प्रकाशनका महाप्रबन्धक शारदाप्रसाद शर्माले सञ्चालन गर्नुभएको र सञ्चालक सदस्य हरिगोपाल प्रधानले स्वागत भाषण गर्नुभएको उक्त कार्यक्रममा नैमिषारण्य संस्कृत गुरुकुलम्का वटुकहरूबाट स्वस्तिवाचन गरिएको थियो भने वटुकहरूलाई श्यामकृष्ण लम्सालले टीका र त्रिरत्न रन्जितकारले दक्षिणा प्रदान गर्नुभएको थियो । मञ्चमा उपस्थित व्यक्तित्वहरूलाई जग्गादाता कृष्णमणि कुइँकेल र नानुदेवी कुइँकेलले ब्याच तथा ‘शब्दसंवाद’ का सञ्चालक पदमनाथ ढुङ्गाना र उर्मिला गिरीले माला अर्पण गर्नुभएको तथा दामोदर घिमिरे र सुदर्शन आचार्यले चयन समितिका सदस्यहरूलाई र रामप्रसाद अधिकारीले प्रमुख अतिथिलाई शब्दयात्रा प्रकाशनका तर्फबाट उपहार प्रदान गर्नुभएको उक्त कार्यक्रममा सम्मान सामग्री र पुस्तकहरूको व्यवस्थापन सञ्चालक सदस्य श्यामकृष्ण लम्सालले गर्नुभएको थियो ।
उक्त कार्यक्रममा सभापतिका रूपबाट शिक्षासेवी निर्मला श्रेष्ठले शब्दयात्रा प्रकाशनको सम्मानकोषका लागि १ लाख १ हजार रुपियाँ हस्तान्तरण गर्नुभयो ।
शब्दयात्रा प्रकाशनको उक्त कार्यक्रम चार कारणले महàवपूर्ण रहेको थियो । पहिलो ः २०७४ सालमा समर्पण गरिने अन्तिम सम्मानहरू ४ जनालाई समर्पण गर्दा यस संस्थाले सम्मान गरेका व्यक्ति तथा संस्थाहरूको सङ्ख्या १०० पुग्यो । दोस्रो ः त्यही दिन चारवटा पुस्तकलाई सार्वजनिक गरिएका पुस्तकसमेत यस संस्थाले प्रकाशन गरेका पुस्तकहरूको सङ्ख्या पनि १०० नै पुग्यो । तेस्रो ः पहिलोपटक संस्थाको कार्यक्रम संस्थाकै परिसरमा गरियो । चौथो ः सम्मान समर्पण समारोहको सञ्चालन यसअघि अध्यक्षले गर्ने गरेकोमा यसपटकदेखि कार्यक्रम सञ्चालनको जिम्मेवारी हस्तान्तरण गरियो ।
