शब्दयात्रा प्रकाशनले आगामी चैत महिनामा सम्मान समर्पण गर्नुपर्ने व्यक्ति वा संस्थाको चयन गरिदिनका लागि रामप्रसाद अधिकारी, देवीप्रसाद ढुङ्गाना र पूर्णबहादुर कर्माचार्यलाई आग्रह गरेको छ । उहाँहरूले सर्वसम्मत चयन गर्नुभएका राष्ट्रिय स्तरका व्यक्ति वा संस्थालाई शब्दयात्रा प्रकाशनले आगामी चैत महिनामा सम्मान समर्पण गर्नेछ । सम्मानका लागि उपयुक्त व्यक्ति वा संस्थाको नाउँ पठाइदिन पाठक वर्गलाई सार्वजनिक आह्वान गरिएको हुनाले पाठक वर्गले पठाउनुभएका नाउँहरूमध्येबाट उहाँहरूले उपयुक्त नाउँ चयन गर्नुहुनेछ । चैत महिनामा राष्ट्रझङ्कार, अनुसन्धान, आमसञ्चार, हास्यव्यङ्ग्य, समालोचना, बालसाहित्य, कविताकाव्य र भाषासेवा गरी आठ सम्मान समर्पण गरिनेछन् । सम्मान्य व्यक्तित्व चयन गर्ने जिम्मा लिइदिनुभएकोमा शब्दयात्रा प्रकाशन उहाँहरूप्रति हार्दिक आभार व्यक्त गर्दछ ।
