शब्दयात्रा प्रकाशनको २ सय २४ औँ प्रकाशनपुष्पका रूपमा ‘म को हुँ ?’ नामक पुस्तक प्रकाशन हुने भएको छ । दीपरत्न शाक्य (प्रेम आनन्द) का अद्भुत आध्यात्मिक अनुभूतिहरू समेटिएको यस पुस्तकमा मानव जीवनको सार्थकता केमा छ, जीवन के हो, मनमा आउने अनावश्यक तर्कनालाई कसरी नियन्त्रण गर्ने, जीवनको लक्ष्य कसरी निर्धारण गर्ने, जीवनलाई समाजोपयोगी बनाउने उपाय के हो, आफूलाई कसरी बुझ्ने आदि जिज्ञासाहरूको समाधान गरिएको छ । विभिन्न विकृतिहरूका कारण मानसिक रोगीहरू बढिरहेको र जीवनको लक्ष्य पत्ता लगाउन नसकेर छटपटीमा परिरहेको वर्तमान समयमा यो पुस्तक मार्गदर्शक बन्नेछ र यसले आध्यात्मिक साधनाद्वारा आफूलाई चिन्न र जीवनलाई बुझ्न सहयोग गर्नेछ ।
