शब्दयात्रा प्रकाशनले पुस्तकालय भवनकै छेउमा स्रष्टा–सर्जकहरूका लागि सानो बगैँचा बनाउन लागेको छ । बगैँचाको नाउँ शब्दवाटिका राखिने भएको छ । बगैँचा बनाउने जग्गा नीलकण्ठेश्वर धाम संरक्षण समितिबाट शब्दयात्रा प्रकाशनलाई प्राप्त भएको हो । बगैँचा सुन्दर बनाउन जग्गाको वरिपरि पर्खाल लगाउनुपर्नेछ, प्रवेशद्वार र बस्ने ठाउँहरू बनाउनुपर्नेछ, फलफूलका बिरुवाहरू रोपेर हुर्काउनुपर्नेछ । ती कार्यहरू गर्न शब्दयात्रा प्रकाशनका सदस्य र शुभचिन्तकहरूले आआफ्ना तर्फबाट योगदान गर्नुहुनेछ, त्यसरी बन्ने शब्दवाटिका स्रष्टा–सर्जकहरूलाई मनोरम लाग्नेछ र त्यहाँ पसेपछि सिर्जना भुलभुलाउनेछ भन्ने कुरामा हामी विश्वस्त छौँ ।