शब्दयात्रा प्रकाशनको भवन निर्माण गर्न गोसाइँस्थान नैमिषारण्य क्षेत्र विकास समितिका संस्थापक उपाध्यक्ष समाजसेवी कृष्णमणि कुइँकेलले बनेपा नगरपालिका वडा नं. ११ मा अवस्थित नीलकण्ठेश्वर महादेव मन्दिरपरिसरको नजिकै रहेको आफ्नो नाउँको ३ आना जग्गा दान गर्ने घोषणा गर्नुभएको छ ।
२०७३ भदौ १४ गते आयोजित सम्मान समर्पण तथा पुस्तक सार्वजनिकीकरण समारोहको सभापतिका रूपबाट मन्तव्य व्यक्त गर्ने क्रममा उहाँले शब्दयात्रा प्रकाशनलाई ३ आना जग्गा दान गर्ने घोषणा गर्नुभएको हो । जग्गादानको घोषणा गर्दा उहाँका पिता छविलाल कुइँकेल र धर्मपत्नी भोजकुमारी कुइँकेल समारोहस्थलमै उपस्थित हुनुहुन्थ्यो ।
शब्दयात्रा प्रकाशनलाई जग्गादान
