शब्दयात्रा प्रकाशनद्वारा प्रकाशित पाँचवटा पुस्तकहरूलाई सार्वजनिक गरिएको छ । गत भदौ १४ गते मङ्गलबार बनेपामा आयोजित विशेष समारोहमा एकसाथ पाँचवटा पुस्तकहरू सार्वजनिक गरिएका हुन् ।
सार्वजनिक गरिएका पुस्तकहरूमा सरस्वती शर्मा सुवेदीको कवितासङ्ग्रह ‘पानी मनकी रानी’, भरतराज महतको उपन्यास ‘कथा वियोगको’ लाई डा. भास्कर हुमागाईंद्वारा अङ्ग्रेजी भाषामा अनुवाद गरिएको कृति ‘द ट्य्राजिक स्टोरी’, श्रीधर प्याकु¥यालद्वारा लिखित लघुकाव्य ‘डा. सुरेशराज शर्मा’, ज्ञानेन्द्रराज भट्टराईको संस्मरणसङ्ग्रह ‘फालिकोटको फाली’ र कुलबहादुर बन्जाराको ‘मेरो दुःखी जीवन’ रहेका छन् ।
समारोहमा पाँचैवटा पुस्तकका बारेमा समीक्षक शारदाप्रसाद शर्माले परिचयात्मक टिप्पणी गर्नुभएको थियो ।
