सहिद शुक्रराज शास्त्रीको गीति व्यक्तित्व, मेलवादेवी गुरुङको प्रेमकथा, यदुनाथ खनाल र डा. हर्क गुरुङको अध्ययन सन्दर्भ, डा. सुरेशराज शर्माको मातृप्रेम, गणेश रसिकको सङ्घर्षगाथा, सावित्री थापाको भित्री कथा, सूर्यप्रसाद श्रेष्ठको पदोन्नति प्रसङ्ग, फोटो कन्सर्नको कथा, शब्दयात्रा प्रकाशन र नीलकण्ठेश्वर धामको चर्चा तथा राजा ज्ञानेन्द्र, डा. इन्दुल केसी, मनका श्रेष्ठ र धर्मदेवी श्रेष्ठसँगको संस्मरण आदि समेटिएको पुस्तक शब्दयात्रा प्रकाशनबाट छाप्ने तयारी भइरहेको छ ।
पुस्तकका लेखक द्रोणप्रसाद श्रेष्ठ हुनुहुन्छ । यसअघि पनि शब्दयात्रा प्रकाशनबाट उहाँको पुस्तक ‘केही दृष्टि केही दृष्टिकोण’ प्रकाशन भइसकेको छ । उहाँले शब्दयात्रा प्रकाशनबाट हरेक वर्ष प्रदान गरिने महिला प्रतिभा सम्मानका लागि आफ्नी धर्मपत्नी मनका श्रेष्ठको स्मृतिमा सम्मानको आर्थिक व्यवस्थापन गरिदिनुभएको छ भने उहाँले राखिदिनुभएको कोषबाट शब्दयात्रा प्रकाशनले हरेक वर्ष पत्रकारिता विषय पढ्ने काभ्रेली छात्रालाई पत्रकारिता छात्रवृत्ति प्रदान गर्ने गरेको छ ।
शब्दयात्रा प्रकाशनबाट अर्को रोचक पुस्तक छापिँदै
