शब्दयात्रा प्रकाशन (मुनाफा वितरण नगर्ने कम्पनी) को सञ्चालक समितिको मिति २०७५ असोज २९ गते सोमबार बसेको बैठकको निर्णयबमोजिम यस प्रकाशनको पाँचौँ वार्षिक साधारणसभा निम्नलिखित विषयहरूमा छलफल र निर्णय गर्न देहायबमोजिमको मिति, समय र स्थानमा बस्ने भएको हुँदा कम्पनी ऐन २०६३ को दफा ६७ (२) अनुसार साधारणसभाका सदस्य महानुभावहरूको जानकारी तथा उपस्थितिका लागि यो सूचना प्रकाशित गरिएको छ ।
पाँचौँ वार्षिक साधारणसभा हुने मिति, समय र स्थान :
मिति : २०७५ साल कार्तिक ३० गते शुक्रबार तदनुसार १६ नोभेम्बर २०१८
समय : दिउँसो १ बजे
स्थान : शब्दयात्रा प्रकाशनको सभाकक्ष, नीलकण्ठेश्वर परिसर, बनेपा — ६, काभ्रे
छलफलका विषयहरू :
१. सञ्चालक समितिका तर्फबाट अध्यक्षज्यूद्वारा प्रस्तुत सञ्चालक समितिको वार्षिक प्रतिवेदनउपर छलफल गरी पारित गर्ने ।
२. लेखापरीक्षकको प्रतिवेदनसहितको २०७५ साल असार मसान्तसम्मको वासलात तथा आ. व. २०७४ को नाफा–नोक्सान हिसाब र सोही अवधिको नगद प्रवाह विवरण र सोका अनुसूचीहरूउपर छलफल गरी पारित गर्ने ।
३. आ. व. २०७५–७६ लागि लेखापरीक्षकको नियुक्ति र निजको पारिश्रमिक निर्धारण गर्ने ।
४. आ. व. २०७५–७६ को वार्षिक कार्यक्रम तथा अनुमानित आय–व्यय विवरणमाथि छलफल गरी पारित गर्ने ।
५. विविध ।
यस प्रकाशनको वार्षिक प्रतिवेदनसहितको विवरण साधारणसभाका सबै सदस्य महानुभावहरूको ठेगानामा साधारणसभाको सूचनाका साथ संलग्न गरी पठाइएको छ । सो प्रतिवेदन प्राप्त नभएका सदस्य महानुभावहरूले प्रकाशनको बनेपास्थित कार्यालयमा सम्पर्क राखी लिनुहुन हार्दिक अनुरोध गरिन्छ ।
सञ्चालक समितिको आज्ञाले
महाप्रबन्धक : शब्दयात्रा प्रकाशन
शब्दयात्रा प्रकाशनको पाँचौं वार्षिक साधारणसभा बस्नेसम्बन्धी सूचना
