शब्दयात्रा प्रकाशनका सहृदयी मित्र अधिवक्ता तथा पत्रकार हरिप्रसाद ढुङ्गेलका पिता, शैक्षिक–सामाजिक सम्बल एवं शब्दाक्षरका साधक भीमप्रसाद ढुङ्गेल (इहलोकागमन १९९४ साल भदौ ९ गते) ले ७९ वर्षको उमेरमा दृश्यमान् स्वरूपको भौतिक विसर्जन (परलोकप्रस्थान २०७३ साल साउन १ गते) गर्नुभएकोमा त्यसबाट व्यथित बनेर यस संस्थाका सदस्यहरूले उहाँलाई सहस्र अश्रुजलबाट मानसिक तर्पण दिएका छन् । उहाँका शोकापन्न पारिवारिक सम्बन्धीहरूसमान सहवेदना अनुभूत गरिरहेका यस संस्थाका सदस्यहरूले उहाँको अदृष्ट स्वरूप ब्रह्मलीन होस् भन्ने कामनाका साथ उहाँले गर्नुभएको योगदानप्रति हृदयतः भावपूर्ण शब्दश्रद्धा समर्पण गरेका छन् ।
