शब्दयात्रा प्रकाशनका अध्यक्ष हरि मञ्जुश्रीले कोरोना भाइरसका कारणबाट भएको बन्दाबन्दीको अवस्थामा तयार पारेका सङ्क्षिप्त पाठ्यसामग्रीहरूको पुस्तक ‘लकडाउन डायरी’ शब्दयात्रा प्रकाशनबाट प्रकाशित हुने भएको छ ।
शब्दयात्रा प्रकाशनबाट प्रकाशन हुन लागेको यो १ सय ४१ औँ पुस्तक हो । यस पुस्तकमा नेपालका ऐतिहासिक, पुरातात्त्विक, साहित्यिक, सामाजिक र राजनीतिक क्षेत्रका लोप हुन लागेका तथ्यपरक विषयहरू प्रस्तुत गरिएका छन् ।
