शब्दयात्रा प्रकाशनले साहित्यकार राममणि ढुङ्गेल (भक्तपुर) लाई २०८३ सालको ‘शब्दयात्रा भरत जङ्गम भक्तपुर प्रतिभा पुरस्कार’ समर्पण गर्ने भएको छ । उहाँले साहित्यका कविता, कथा र नाटक विधामा विभिन्न पुस्तकहरू लेखी प्रकाशन गराउनुभएको छ भने उहाँको अनुसन्धानात्मक कृति पनि प्रकाशित छ । स्मृतिग्रन्थ तथा स्मारिकाहरूको सम्पादनसमेत गर्नुभएका उहाँले विभिन्न नाटकहरूमा अभिनयसमेत गर्नुभएको छ । बहुमुखी प्रतिभाशाली उहाँका यिनै योगदानका लागि उहाँलाई पुरस्कृत गर्न लागिएको हो । पुरस्कार यही साउन १६ गते शनिबार समर्पण गरिनेछ । यस पुरस्कारको कोष व्यवस्थापन आख्यानकार तथा भ्रष्टविरोधी शास्त्रका प्रणेता भरत जङ्गमले गर्नुभएको हो । पुरस्कार ग्रहण गर्न स्वीकृति प्रदान गर्नुभएकोमा शब्दयात्रा प्रकाशन राममणि ढुङ्गेलप्रति हार्दिक आभार प्रकट गर्दछ ।